ಮಾನವ ಹಕ್ಕು ಕಾರ್ಯಕರ್ತ ನಿಧನ

ಟೊರಾಂಟೊ (ಪಿಟಿಐ): ಬಹುಕಾಲದಿಂದ ಅನಾರೋಗ್ಯದಲ್ಲಿದ್ದ ಭಾರತ-ಕೆನಡಾ ಮಾನವ ಹಕ್ಕುಗಳ ಪ್ರಸಿದ್ಧ ಕಾರ್ಯಕರ್ತ ಡಾ. ಬಾವುಸಾಹೇಬ್ ಉಬಾಳೆ (76) ಗುರುವಾರ ಭಾರತದ ಪುಣೆ ನಗರದಲ್ಲಿ ನಿಧನರಾಗಿರುವುದಾಗಿ ಕುಟುಂಬದ ಮೂಲಗಳು ತಿಳಿಸಿವೆ.

ಮಾನವ ಹಕ್ಕುಗಳ ಮಾಜಿ ಜನಾಂಗೀಯ ಆಯುಕ್ತರಾಗಿದ್ದ ಉಬಾಳೆ `ದಿ ಆರ್ಡರ್ ಆಫ್ ಒಂಟಾರಿಯೊ~ ಎಂಬ ಗೌರವಕ್ಕೆ ಪಾತ್ರರಾಗಿದ್ದರು. ಅವರು ಪುತ್ರ ಮತ್ತು ಪುತ್ರಿಯನ್ನು ಅಗಲಿದ್ದಾರೆ. ಅವರ ನಿಧನಕ್ಕೆ ಕೆನಡಾ ಭಾರತೀಯ ಸಮುದಾಯ ಸಂತಾಪ ಸೂಚಿಸಿದೆ.
 
ಉಬಾಳೆ ಎಲ್ಲ ಸಮುದಾಯಗಳಲ್ಲಿ ಸೌಹಾರ್ದ ಮೂಡಿಸಿದ್ದರು ಎಂದು ಇಲ್ಲಿನ ವಿಶ್ವಹಿಂದೂ ಪರಿಷತ್ ಅಧ್ಯಕ್ಷ ಎಲ್.ಎಂ. ಸಬರವಾಲ್ ತಿಳಿಸಿದ್ದಾರೆ.