ರಬ್ಬಾನಿ ಖರ್ ವಜಾ ಕೋರಿ ಅರ್ಜಿ

ಲಾಹೋರ್ (ಪಿಟಿಐ): ಪಾಕ್ ವಿದೇಶಾಂಗ ಸಚಿವೆ ಹೀನಾ ರಬ್ಬಾನಿ ಖರ್ ಅವರ ಪತಿಯ ಮಾಲೀಕತ್ವದ ಸಂಸ್ಥೆಯೊಂದು ಅಪಾರ ಪ್ರಮಾಣದ ವಿದ್ಯುತ್ ಬಿಲ್ ಬಾಕಿ ಉಳಿಸಿಕೊಂಡಿರುವ ಹಿನ್ನೆಲೆಯಲ್ಲಿ ಖರ್ ಅವರನ್ನು ಸಚಿವ ಸ್ಥಾನದಿಂದ ವಜಾಗೊಳಿಸುವಂತೆ ವ್ಯಕ್ತಿಯೊಬ್ಬ ಲಾಹೋರ್ ಹೈಕೋರ್ಟ್‌ನಲ್ಲಿ ಅರ್ಜಿ ಸಲ್ಲಿಸಿದ್ದಾನೆ.

ಖರ್ ಅವರ ಪತಿ ಫೈಸಲಾಬಾದ್ ವಿದ್ಯುತ್ ಕಂಪೆನಿಗೆ ಏಳು ಕೋಟಿ ರೂಪಾಯಿಬಾಕಿ ಉಳಿಸಿಕೊಂಡಿದ್ದಾರೆ. ಹಾಗಾಗಿ ಹೀನಾ ಅವರನ್ನು ಸಚಿವ ಸ್ಥಾನದಿಂದ ಅನರ್ಹತೆಗೊಳಿಸಬೇಕು ಎಂದು ಮಿಯಾನ್ ಅಸಾದ್ ಎಂಬಾತ ಅರ್ಜಿ ಸಲ್ಲಿಸಿದ್ದಾನೆ