ಪಾಕ್‌ ಜೈಲಿನ‌ಲ್ಲಿ 308 ಭಾರತೀಯ ಕೈದಿಗಳು

ಇಸ್ಲಾಮಾಬಾದ್‌: ದ್ವಿಪಕ್ಷೀಯ ಒಪ್ಪಂದದ ಭಾಗವಾಗಿ, ಪಾಕಿಸ್ತಾನವು ತನ್ನ ದೇಶದ ಜೈಲಿನಲ್ಲಿರುವ 308 ಭಾರತೀಯ ಕೈದಿಗಳ ಪಟ್ಟಿಯನ್ನು ಭಾರತೀಯ ಹೈಕಮಿಷನ್‌ಗೆ ಶನಿವಾರ ಹಸ್ತಾಂತರಿಸಿದೆ. ಇವರಲ್ಲಿ 42 ಮಂದಿ ನಾಗರಿಕ ಕೈದಿಗಳಾಗಿದ್ದರೆ, 266 ಮಂದಿ ಮೀನುಗಾರರು.

‘2008ರ ರಾಜತಾಂತ್ರಿಕ ಪ‍ರವಾನಗಿ ಒಪ್ಪಂದಕ್ಕೆ ಅನ್ವಯ ಈ ಪಟ್ಟಿಯನ್ನು ಹಸ್ತಾಂತರಿಸಲಾಗಿದೆ’ ಎಂದು ವಿದೇಶಾಂಗ ಕಚೇರಿ (ಎಫ್‌ಒ) ತಿಳಿಸಿದೆ.

‘ಭಾರತವು ನವದೆಹಲಿಯಲ್ಲಿರುವ ಪಾಕಿಸ್ತಾನ ಹೈಕಮಿಷನ್‌ಗೆ ಪಾಕಿಸ್ತಾನಿ ಕೈದಿಗಳ ಪಟ್ಟಿಯನ್ನು ನೀಡಿದ್ದು, ಅದರಲ್ಲಿ 417 ಕೈದಿಗಳ ಹೆಸರಿವೆ.‌ ಇವರಲ್ಲಿ 343 ಮಂದಿ ನಾಗರಿಕ ಕೈದಿಗಳಿದ್ದರೆ, 74 ಮಂದಿ ಮೀನುಗಾರರಿದ್ದಾರೆ’ ಎಂದು ಎಫ್‌ಒ ಹೇಳಿದೆ.