ಹಿಮಪಾತ, ಮಳೆ: ಅಫ್ಗಾನಿಸ್ತಾನದಲ್ಲಿ 61 ಸಾವು

ಕಾಬೂಲ್‌: ಹಿಮಪಾತ ಹಾಗೂ ಭಾರಿ ಮಳೆಯಿಂದಾಗಿ, ಕಳೆದ ಮೂರು ದಿನಗಳಲ್ಲಿ ಸಂಭವಿಸಿದ ವಿವಿಧ ಅವಘಡಗಳಲ್ಲಿ ಅಫ್ಗಾನಿಸ್ತಾನದಲ್ಲಿ 61 ಮಂದಿ ಸಾವಿಗೀಡಾಗಿದ್ದಾರೆ ಎಂದು ವಿಪತ್ತು ನಿರ್ವಹಣಾ ಪ್ರಾಧಿಕಾರವು ಶನಿವಾರ ತಿಳಿಸಿದೆ. 

ಬುಧವಾರದಿಂದ ಶುಕ್ರವಾರದವರೆಗೆ 61 ಮಂದಿ ಸಾವಿಗೀಡಾಗಿದ್ದು, 110 ಮಂದಿ ಗಾಯಗೊಂಡಿದ್ದಾರೆ. ದೇಶದ ಮಧ್ಯ ಹಾಗೂ ಉತ್ತರ ಭಾಗದ ಪ್ರಾಂತ್ಯಗಳಲ್ಲಿ ಹೆಚ್ಚು ಹಾನಿ ಸಂಭವಿಸಿದೆ ಎಂದು ಸಂಸ್ಥೆಯು ‘ಎಕ್ಸ್’ನಲ್ಲಿ ತಿಳಿಸಿದೆ.