ವಿಶ್ವಸಂಸ್ಥೆ: ಪಾಕಿಸ್ತಾನದ ಸೇನಾಪಡೆಗಳು ಗಡಿಯನ್ನು ಉಲ್ಲಂಘಿಸಿ, ತನ್ನ ಭೂ ಪ್ರದೇಶದೊಳಗೆ ಪ್ರವೇಶಿಸುತ್ತಿವೆ ಎಂದು ಅಫ್ಗಾನಿಸ್ತಾನ ದೂರಿದೆ.
ಈ ಸಂಬಂಧ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಗೆ ಪತ್ರ ಬರೆದಿರುವ ಅಫ್ಗಾನಿಸ್ತಾನ, ಪರಿಸ್ಥಿತಿ ಉದ್ವಿಗ್ನಗೊಳ್ಳುವ ಮುನ್ನವೇ ಪಾಕಿಸ್ತಾನದ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿದೆ.
ವಿಶ್ವಸಂಸ್ಥೆಯಲ್ಲಿ ಅಫ್ಗಾನಿಸ್ತಾನದ ಕಾಯಂ ಪ್ರತಿನಿಧಿ ಅದೆಲ್ ರಾಜ್ ಅವರು ಭದ್ರತಾ ಮಂಡಳಿಯ ಅಧ್ಯಕ್ಷ ಸ್ಥಾನದಲ್ಲಿರುವ ಜರ್ಮಿನಿಗೆ ಬರೆದ ಪತ್ರದಲ್ಲಿ, ‘ಅಫ್ಗಾನಿಸ್ತಾನದ ಗಡಿ ಠಾಣೆಗಳ ಮೇಲೆ, ಕುನಾರ್ ಪ್ರಾಂತ್ಯದ ಸರಕಾನೊ ಹಾಗೂ ಅಸಾದ್ ಅಬಾದ್ ಜಿಲ್ಲೆಗಳ ನಾಗರಿಕರ ಮೇಲೆ ಪಾಕಿಸ್ತಾನದ ಪಡೆಗಳು ಅಪ್ರಚೋದಿತ ದಾಳಿ ನಡೆಸಿವೆ’ ಎಂದು ವಿವರಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.