ಕಾಬೂಲ್: ತಾಲಿಬಾನ್ ಭದ್ರತಾ ಪಡೆಗಳು ತರಬೇತಿಗಾಗಿ ಬಳಸುತ್ತಿದ್ದ ಅಮೆರಿಕ ಸೇನೆ ಬಿಟ್ಟು ಹೋಗಿದ್ದ ಬ್ಲ್ಯಾಕ್ ಹಾಕ್ ಹೆಲಿಕಾಫ್ಟರ್ ಪತನವಾಗಿ ಇಬ್ಬರು ಪೈಲಟ್ಗಳು ಮೃತಪಟ್ಟಿದ್ದಾರೆ. ಐವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ಈ ಘಟನೆ ಕಾಬೂಲ್ನ ಡಿಫೆನ್ಸ್ ಯುನಿವರ್ಸಿಟಿಯ ವ್ಯಾಪ್ತಿಯಲ್ಲಿ ಸೋಮವಾರ ಬೆಳಿಗ್ಗೆ ನಡೆದಿದೆ.
ಬಹುಕೋಟಿ ಮೌಲ್ಯದ ಹಾಗೂ ಅತ್ಯಾಧುನಿಕ ಯುದ್ಧ ವಾಹನಗಳನ್ನು ಮತ್ತು ಸಲಕರಣೆಗಳನ್ನುಕಳೆದ ವರ್ಷ ಅಫ್ಗಾನಿಸ್ತಾನ ತೊರೆದು ಹೋಗುವಾಗ ಅಮೆರಿಕ ಬಿಟ್ಟು ಹೋಗಿತ್ತು. ಇದರಲ್ಲಿ 10ಬ್ಲ್ಯಾಕ್ ಹಾಕ್ ಹೆಲಿಕಾಪ್ಟರ್ಗಳೂ ಸೇರಿದ್ದವು.
ಆದರೆ, ಈ ಅತ್ಯಾಧುನಿಕ ಹೆಹೆಲಿಕಾಫ್ಟರ್ಗಳನ್ನು ಹಾರಿಸಲು ನುರಿತ ಸಿಬ್ಬಂದಿ ತಾಲಿಬಾನ್ ಬಳಿ ಇರದಿದ್ದಕ್ಕೆ ಮಾಜಿ ಯೋಧರ ಮಾರ್ಗದರ್ಶನ ಪಡೆದು ತಾಲಿಬಾನ್ ಕಮಾಂಡರ್ ತರಬೇತಿ ನೀಡುತ್ತಿದ್ದರು.
ಈ ವೇಳೆ ತಾಂತ್ರಿಕ ದೋಷದಿಂದ ಹೆಲಿಕಾಫ್ಟರ್ ಪತನವಾಗಿದೆ ಎಂದು ತಾಲಿಬಾನ್ನ ಮಿಲಿಟರಿ ವಕ್ತಾರರು ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.