ಪಶ್ಚಿಮ ಆಫ್ರಿಕಾದ ಮರುಭೂಮಿಯಲ್ಲಿ 27 ವಲಸಿಗರ ಶವಗಳು ಪತ್ತೆ

ಡಾಕರ್: ಪಶ್ಚಿಮ ಆಫ್ರಿಕಾದ ಚಡಿಯನ್‌ ಮರುಭೂಮಿಯಲ್ಲಿ ನಾಲ್ಕು ಮಕ್ಕಳು ಸೇರಿದಂತೆ 27 ಮಂದಿ ವಲಸಿಗರ ಶವಗಳು ಪತ್ತೆಯಾಗಿವೆ ಎಂದು ವಲಸಿಗರಅಂತರರಾಷ್ಟ್ರೀಯ ಸಂಸ್ಥೆ (ಐಒಎಂ) ಮಂಗಳವಾರ ತಿಳಿಸಿದೆ.

ಒಂದೂವರೆ ವರ್ಷದ ಹಿಂದೆ ಮುಸುರೋ ನಗರದಿಂದ ಟ್ರಕ್‌ನಲ್ಲಿ ಹೊರಟಿದ್ದ ವಲಸಿಗರು ದಾರಿತಪ್ಪಿರುವ ಸಾಧ್ಯತೆ ಇದ್ದು, ಬಾಯಾರಿಕೆ, ಹಸಿವಿನಿಂದ ಸತ್ತಿರಬಹುದು. ಇದು ಅಘಾತಕಾರಿ, ದುಃಖಕರ ಸಂಗತಿಎಂದು ವಿಶ್ವಸಂಸ್ಥೆಗೆ ಸಂಯೋಜಿತವಾಗಿರುವ ಸಂಸ್ಥೆ ಹೇಳಿದೆ.

ಭವಿಷ್ಯದಲ್ಲಿ ಇಂತಹ ಸಾವುಗಳನ್ನು ಸಂಘಟಿತ ಕ್ರಮ ಅಗತ್ಯ. ಎಂಟು ವರ್ಷಗಳಲ್ಲಿ ಸಹರಾ ಮರುಭೂಮಿಯಲ್ಲಿ 5600 ಮಂದಿ ಮೃತ
ಪಟ್ಟಿದ್ದಾರೆ ಇಲ್ಲವೇ ನಾಪತ್ತೆಯಾಗಿದ್ದಾರೆ. ಈ ಪೈಕಿ 110 ಮಂದಿ ಚಡಿಯನ್‌ ಮರುಭೂಮಿಯಲ್ಲೇ ಮೃತಪಟ್ಟಿದ್ದಾರೆ ಎಂದು ತಿಳಿಸಿದೆ.

ಪಶ್ಚಿಮ ಆಫ್ರಿಕಾದಿಂದ ಲಿಬಿಯಾ ಮತ್ತು ಇತರೆ ಉತ್ತರ ಆಫ್ರಿಕಾ ದೇಶಗಳಿಗೆ ವಲಸಿಗರು ಚಡಿಯನ್‌ ಮರುಭೂಮಿ ಮೂಲಕ ತೆರಳಲು ಯತ್ನಿಸುತ್ತಾರೆ. ಹಲವು ಸಾವುಗಳು ಸಂಭವಿಸುತ್ತಿದ್ದು, ಅಪಾಯಕಾರಿಯಾದ ಮಾರ್ಗವಾಗಿದೆ.