ಲಾಕ್‌ಡೌನ್‌ ಜಾರಿಯಾದರೂ ಚೀನಾದಲ್ಲಿ ನಿಯಂತ್ರಣಕ್ಕೆ ಬರುತ್ತಿಲ್ಲ ಕೋವಿಡ್‌!
Published 8 ಆಗಸ್ಟ್ 2022, 10:59 IST
ಚೀನಾದಲ್ಲಿ ನಡೆಯುತ್ತಿರು ಕೋವಿಡ್‌ ಪತ್ತೆ ಪರೀಕ್ಷೆ
ಬೀಜಿಂಗ್‌: ಲಾಕ್‌ಡೌನ್‌ ಜಾರಿ ಮಾಡಿದ ಬಳಿಕವೂ ದಕ್ಷಿಣ ಚೀನಾದ ಹೈನಾನ್‌ ಪ್ರಾಂತ್ಯದಲ್ಲಿ ಸೋಮವಾರ 259 ಕೊರೊನಾ ಪ್ರಕರಣಗಳು ದೃಢಪಟ್ಟಿವೆ.
ಸೋಂಕು ಉಲ್ಬಣಗೊಳ್ಳುತ್ತಿರುವ ಹೈನಾನ್‌ನ ರೆಸಾರ್ಟ್‌ ನಗರ ಸಾನ್ಯಾವನ್ನು ಕೋವಿಡ್‌ ‘ಹಾಟ್‌ಸ್ಪಾಟ್‌‘ ಎಂದು ಪರಿಗಣಿಸಿ ಶನಿವಾರದಿಂದ ಲಾಕ್‌ಡೌನ್‌ ಜಾರಿ ಮಾಡಲಾಗಿದೆ. ಹೀಗಾಗಿ ಸುಮಾರು 80,000 ಪ್ರವಾಸಿಗರು ಇಲ್ಲಿ ಅತಂತ್ರರಾಗಿದ್ದಾರೆ.
ಚೀನಾದಲ್ಲಿ ಸೋಮವಾರ 324 ಹೊಸಪ್ರಕರಣಗಳು ಪತ್ತೆಯಾಗಿವೆ. ಇದಲ್ಲದೆ 483 ಲಕ್ಷಣ ರಹಿತ ಪ್ರಕರಣಗಳು ದೃಢಪಟ್ಟಿವೆ.
ಕೋವಿಡ್‌ ವಿಷಯದಲ್ಲಿ ಚೀನಾಕಠಿಣ ಕ್ರಮಗಳನ್ನು ಅಳವಡಿಸಿಕೊಂಡಿರುವ ಕಾರಣ ಆಸ್ಪತ್ರೆ ಸೇರುವವರ ಪ್ರಮಾಣ ಮತ್ತು ಮರಣ ಪ್ರಮಾಣ ಕಡಿಮೆ ಇದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.