ಟಿಬೆಟ್‌ನಲ್ಲಿ ಶೀಘ್ರ ಪ್ರಥಮ ವಿದ್ಯುತ್ ಚಾಲಿತ ರೈಲುಸೇವೆ
Published 24 ಜೂನ್ 2021, 12:06 IST
ಟಿಬೆಟ್‌ನ ರಾಜಧಾನಿ ಲಾಸಾದಲ್ಲಿರುವ ಪೊಟಾಲಾ ಅರಮನೆ (ಸಂಗ್ರಹ ಚಿತ್ರ)
ಬೀಜಿಂಗ್: ಚೀನಾವು ಟಿಬೆಟ್‌ನಲ್ಲಿ ತನ್ನ ಪ್ರಥಮ ವಿದ್ಯುತ್ ಚಾಲಿತ ರೈಲು ಸೇವೆಯನ್ನು ಚಾಲನೆ ಗೊಳಿಸಲಿದ್ದು, ರೈಲು ಲಾಸಾ ಮತ್ತು ಗಡಿ ಭಾಗದ ನಿಯಿಂಗ್ಚಿ ನಡುವೆ ಸಂಚರಿಸಲಿದೆ.
ಒಟ್ಟು 435.5 ಕಿ.ಮೀ ಅಂತರದ ಈ ಮಾರ್ಗ ಸಿಚುನ್‌ –ಟಿಬೆಟ್‌ ರೈಲ್ವೆ ವಲಯದಲ್ಲಿದೆ. ಆಡಳಿತ ಕಮ್ಯುನಿಸ್ಟ್‌ ಪಾರ್ಟಿ ಆಫ್‌ ಚೀನಾದ (ಸಿಪಿಸಿ) ಶತಮಾನೋತ್ಸವ ನಿಮಿತ್ತ ಜುಲೈ 1ರಂದು ಆರಂಭವಾಗುವ ಸಂಭವವಿದೆ.
ವಿದ್ಯುತ್ ಸರಬರಾಜು ಪ್ರಕ್ರಿಯೆಯು ಪೂರ್ಣಗೊಂಡಿದ್ದು, ಪರೀಕ್ಷಾರ್ಥ ಸೇವೆಯೂ ಪೂರ್ಣಗೊಂಡಿದೆ ಎಂದು ಇಲಾಖೆಯ ಚೀಫ್‌ ಎಂಜಿನಿಯರ್‌ ಲಿಯು ಯುಕ್ಸಿಯಾಂಗ್‌ ಅವರು ತಿಳಿಸಿದ್ದಾರೆ.
ಸಿಚುನ್‌ –ಟಿಬೆಟ್‌ ರೈಲ್ವೆಯು ಟಿಬೆಟ್‌ನ ಎರಡನೇ ರೈಲ್ವೆ ಮಾರ್ಗವಾಗಿದ್ದು, ವಿಶ್ವದಲ್ಲಿಯೇ ಹೆಚ್ಚು ಚಟುವಟಿಕೆ ಇರುವ ಪ್ರದೇಶಗಳಲ್ಲಿ ಒಂದಾದ ಕ್ವಿಂಗಾಯ್‌ –ಟಿಬೆಟ್‌ ಪ್ರಾಂತ್ಯದಲ್ಲಿ ಹಾದುಹೋಗಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.