Covid-19 World Update: ಮೇ ಬಳಿಕ ಬ್ರಿಟನ್‌ನಲ್ಲಿ ಮತ್ತೆ ಅತಿ ಹೆಚ್ಚು ಪ್ರಕರಣ

ವಾಷಿಂಗ್ಟನ್: ಮೇ ನಂತರ ಬ್ರಿಟನ್‌ನಲ್ಲಿ ಒಂದೇ ದಿನದಲ್ಲಿ ಕೋವಿಡ್‌ ದೃಢಪಟ್ಟ ಅತಿ ಹೆಚ್ಚು 2,988 ಹೊಸ ಪ್ರಕರಣಗಳು ದಾಖಲಾಗಿವೆ. ಸೋಂಕಿನಿಂದ ಭಾನುವಾರ ಇಬ್ಬರು ಮೃತಪಟ್ಟಿರುವುದು ವರದಿಯಾಗಿದೆ.

ಬ್ರಿಟನ್‌ನಲ್ಲಿ ಇತ್ತೀಚೆಗಷ್ಟೇ ಶಾಲೆ–ಕಾಲೇಜುಗಳನ್ನು ಪುನರಾರಂಭಿಸಲಾಗಿದೆ. ಈವರೆಗೂ ಕೋವಿಡ್‌ನಿಂದ 41,551 ಮಂದಿ ಮೃತಪಟ್ಟಿದ್ದಾರೆ.

ಜಗತ್ತಿನಾದ್ಯಂತ 2.7 ಕೋಟಿಗೂ ಅಧಿಕ ಜನರು ಕೋವಿಡ್-19 ಸೋಂಕಿಗೆ ಒಳಗಾಗಿದ್ದರೆ, 8.85 ಲಕ್ಷಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದಾರೆ ಎಂದು ಕೊರೊನಾ ವೈರಸ್‌ ವರ್ಡೊ ಮೀಟರ್‌ ತಿಳಿಸಿದೆ.

ಈವರೆಗೆ ಜಗತ್ತಿನಾದ್ಯಂತ ಸೋಂಕಿತರ ಸಂಖ್ಯೆ 2,72,06,270ಕ್ಕೆ ಮುಟ್ಟಿದ್ದು, 8,85,810 ಮಂದಿ ಮೃತಪಟ್ಟಿದ್ದಾರೆ. 1,92,91,124 ಸೋಂಕಿತರು ಗುಣಮುಖರಾಗಿದ್ದಾರೆ. ಒಟ್ಟು 70,29,336 ಕೊರೊನಾ ಪ್ರಕರಣಗಳು ಸಕ್ರಿಯವಾಗಿವೆ.

ಸೋಂಕು ಪ್ರಕರಣಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿರುವ ಅಮೆರಿಕದಲ್ಲಿ 64,41,139 ಜನರಿಗೆ ಕೋವಿಡ್-19 ದೃಢಪಟ್ಟಿದೆ. ಸದ್ಯ 1,92,956 ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. 37,08,450 ಜನರು ಈ ವರೆಗೆ ಚೇತರಿಸಿಕೊಂಡಿದ್ದಾರೆ.

ಬ್ರೆಜಿಲ್‌ನಲ್ಲಿ 41,23,000, ಭಾರತದಲ್ಲಿ 41,96,616, ರಷ್ಯಾದಲ್ಲಿ 10,25,505, ದಕ್ಷಿಣ ಆಫ್ರಿಕಾದಲ್ಲಿ 6,36,884, ಪೆರುವಿನಲ್ಲಿ 6,83,702, ಕೊಲಂಬಿಯಾದಲ್ಲಿ 6,58,456, ಚಿಲಿಯಲ್ಲಿ 4,22,510, ಇರಾನ್‌ನಲ್ಲಿ 3,86,658, ಇಂಗ್ಲೆಂಡ್‌ನಲ್ಲಿ 3,47,152 ಮತ್ತು ಸ್ಪೇನ್‌ನಲ್ಲಿ 5,17,133 ಕೊರೊನಾ ಸೋಂಕು ಪ್ರಕರಣಗಳು ದಾಖಲಾಗಿವೆ.