ಕಠ್ಮಂಡು: ಭೂಕಂಪದ ಅನುಭವ, ಆತಂಕ

ಕಠ್ಮಂಡು: ನೇಪಾಳದ ರಾಜಧಾನಿ ಕಠ್ಮಂಡುವಿನಲ್ಲಿ ಶನಿವಾರ ಬೆಳಗಿನ ಜಾವ ಭೂಕಂಪ ಸಂಭವಿಸಿದೆ. ರಿಕ್ಟರ್‌ ಮಾಪಕದಲ್ಲಿ ಇದರ ತೀವ್ರತೆಯು 4.7ರಷ್ಟು ದಾಖಲಾಗಿತ್ತು.

ಭೂಕಂಪದ ಅನುಭವದ ಹಿಂದೆಯೇ ಆತಂಕಗೊಂಡ ಹಲವು ನಾಗರಿಕರು ಮನೆಯಿಂದ ಹೊರಗೆ ಧಾವಿಸಿ ಬಂದರು. ಮಧ್ಯರಾತ್ರಿ 2.36ಗಂಟೆಗೆ ಭೂಕಂಪನ ಸಂಭವಿಸಿದ್ದು,ಭಕ್ತಾಪುರ ಜಿಲ್ಲೆ ಇದರ ಕೇಂದ್ರ ಸ್ಥಾನವಾಗಿತ್ತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಆದರೆ, ಭೂಕಂಪದಿಂದ ಅನಾಹುತ ಸಂಭವಿಸಿರುವ ಯಾವುದೇ ವರದಿ ಬಂದಿಲ್ಲ.