ಅಮೆರಿಕದಲ್ಲಿ ಶೀತ ಗಾಳಿ ಮುಂದುವರಿಕೆ; 34 ಸಾವು, ಜನಜೀವನ ಅಸ್ತವ್ಯಸ್ತ

ಬಫೆಲೊ (ಅಮೆರಿಕ) (ಎಪಿ): ಚಳಿಗಾಲದಲ್ಲಿ ಅಪ್ಪಳಿಸಿದ ಚಂಡಮಾರುತದಿಂದಾಗಿ ಅಮೆರಿಕದಲ್ಲಿ ಶೀತ ಗಾಳಿ ಮುಂದುವರೆದಿದೆ. ನ್ಯೂಯಾರ್ಕ್‌ ನಗರಗಳಲ್ಲಿ ಭಾರಿ ಹಿಮದಿಂದಾಗಿ ಸಂಚಾರ, ಜನಜೀವನ ಅಸ್ತವ್ಯಸ್ತವಾಗಿದೆ. ಅಪಾಯಕಾರಿ ರಸ್ತೆಗಳಲ್ಲಿ ಸಂಚಾರವನ್ನು ನಿರ್ಬಂಧಿಸಲಾಗಿದ್ದು, ವಿಮಾನ ಹಾರಾಟವನ್ನೂ ಸ್ಥಗಿತಗೊಳಿಸಲಾಗಿದೆ.

ಶೀತ ಗಾಳಿಯಿಂದ ಈಗಾಗಲೇ ದೇಶದಲ್ಲಿ 34 ಜನ ಮೃತಪಟ್ಟಿದ್ದಾರೆ. ವಿಪರೀತ ಚಳಿಗೆ ಹೆದರಿ ಅನೇಕರು ಮನೆಯ ಒಳಗೆ ಸಿಲುಕಿಕೊಂಡಿದ್ದಾರೆ.

ನಗರದ ನಯಾಗರ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಭಾನುವಾರ ಬೆಳಿಗ್ಗೆ 43 ಇಂಚುಗಳಷ್ಟು (1.1ಮೀಟರ್‌) ಹಿಮ ಆವೃತವಾಗಿತ್ತು ಎಂದು ರಾಷ್ಟ್ರೀಯ ಹವಾಮಾನ ಸೇವೆ ಹೇಳಿದೆ.

ಅಗ್ನಿಶಾಮಕ ಸಿಬ್ಬಂದಿ ವಾಹನಗಳು ಅಲ್ಲಲ್ಲಿ ನಿಂತು ಅಪಾಯಕಾರಿ ರಸ್ತೆಗಳಲ್ಲಿ ಸಂಚರಿಸದಂತೆ ವಾಹನ ಸವಾರರಲ್ಲಿ ವಿನಂತಿಸಿಕೊಳ್ಳುತ್ತಿದ್ದಾರೆ.

ಅನಿಲ್ ಕುಮಾರ್ ಲಹೋಟಿ ರೈಲ್ವೆ ಮಂಡಳಿಯ ನೂತನ ಅಧ್ಯಕ್ಷ