ಕೋವಿಡ್‌: ನ್ಯೂಜಿಲೆಂಡ್ನಲ್ಲಿ ಪತ್ತೆಯಾಗದ ಹೊಸ ಪ್ರಕರಣ
Published 18 ಸೆಪ್ಟೆಂಬರ್ 2020, 6:41 IST
ವೆಲ್ಲಿಂಗ್ಟನ್‌: ನ್ಯೂಜಿಲೆಂಡ್ನಲ್ಲಿ ಕೊರೊನಾ ವೈರಾಣುವಿಗೆ ಕಡಿವಾಣ ಹಾಕುವ ಕಾರ್ಯ ಮುಂದುವರಿದಿದ್ದು ಶುಕ್ರವಾರ ಇಲ್ಲಿ ಹೊಸದಾಗಿ ಒಂದೂ ಪ್ರಕರಣ ಪತ್ತೆಯಾಗಿಲ್ಲ.
ಕಳೆದ ತಿಂಗಳು ಆಕ್ಲೆಂಡ್‌ನಲ್ಲಿ ಅತಿ ಹೆಚ್ಚು ಕೊರೊನಾ ಪ್ರಕರಣಗಳು ದೃಢಪಟ್ಟಿದ್ದವು. ವಿದೇಶಗಳಿಂದ ತವರಿಗೆ ಮರಳಿ ಕ್ವಾರಂಟೈನ್‌ನಲ್ಲಿದ್ದವರ ಪೈಕಿ ಹೆಚ್ಚು ಮಂದಿ ಸೋಂಕಿತರಾಗಿದ್ದರು.ಆದರೆ ಹಿಂದಿನ ನಾಲ್ಕು ದಿನಗಳಿಂದ ಸಮುದಾಯ ಹಂತದಲ್ಲಿ ಹೊಸ ಪ್ರಕರಣಗಳು ಪತ್ತೆಯಾಗಿಲ್ಲ.
ಕೋವಿಡ್‌ ಪಿಡುಗಿಗೆ ಕಡಿವಾಣ ಹಾಕಲು ನ್ಯೂಜಿಲೆಂಡ್‌ ಸರ್ಕಾರವು ದಿಟ್ಟ ಕ್ರಮ ಅನುಸರಿಸುತ್ತಿದೆ.ಆಕ್ಲೆಂಡ್‌ನಲ್ಲಿ ತಾತ್ಕಾಲಿಕವಾಗಿ ಲಾಕ್‌ಡೌನ್‌ ಜಾರಿಗೊಳಿಸಲಾಗಿದೆ.
ಕಿವೀಸ್‌ ನಾಡಿನಲ್ಲಿ ಇದುವರೆಗೂ ಕೇವಲ 1,800 ಕೋವಿಡ್‌ ಪ್ರಕರಣಗಳು ಪತ್ತೆಯಾಗಿವೆ. ಒಟ್ಟು 25 ಮಂದಿ ಮೃತಪಟ್ಟಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.