ಸುಡಾನ್‌ ತಲುಪಿದ ರೆಡ್‌ ಕ್ರಾಸ್‌ ವಿಮಾನ

ಖಾರ್ಟೂಮ್: ಸಂಘರ್ಷಪೀಡಿತ ಸುಡಾನ್‌ನಲ್ಲಿ ಆಸ್ಪತ್ರೆಗಳಿಗೆ ಬೇಕಾದ ಸಲಕರಣೆಗಳನ್ನು ತಂದ ರೆಡ್‌ ಕ್ರಾಸ್‌ನ ಮೊದಲ ವಿಮಾನವು ಭಾನುವಾರ ಇಲ್ಲಿಗೆ ಬಂದಿಳಿಯಿತು.

‘ಸುಡಾನ್‌ ಆಸ್ಪತ್ರೆಗೆ ಅಗತ್ಯವಿರುವ ಸಲಕರಣೆಗಳು ಸೇರಿದಂತೆ ಎಂಟು ಟನ್ ವಸ್ತುಗಳನ್ನು ತಲುಪಿಸಲಾಯಿತು’ ಎಂದು ಅಂತರರಾಷ್ಟ್ರೀಯ ರೆಡ್‌ ಕ್ರಾಸ್‌  ಸಮಿತಿ ತಿಳಿಸಿದೆ.

ಸಂಘರ್ಷದಿಂದ ಈವರೆಗೆ 500ಕ್ಕೂ ಹೆಚ್ಚು ಜನರು ಮೃತಪಟ್ಟಿದ್ದಾರೆ, ಸಾವಿರಾರು ಜನರು ಗಾಯಗೊಂಡಿದ್ದಾರೆ. ಹತ್ತು ಸಾವಿರಕ್ಕೂ ಅಧಿಕ ಮಂದಿ ಮನೆಗಳನ್ನು ಕಳೆದುಕೊಂಡು ನಿರಾಶ್ರಿತರಾಗಿದ್ದಾರೆ. 

ರಾಜಧಾನಿ ಖಾರ್ಟೂಮ್‌ನಲ್ಲಿ  ಕೇವಲ ಶೇ 16ರಷ್ಟು ಆಸ್ಪತ್ರೆಗಳು ಮಾತ್ರ ಕಾರ್ಯನಿರ್ವಹಿಸುತ್ತಿವೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ.