ಫ್ರಾನ್ಸ್‌: ಅಣುವಿದ್ಯುತ್ ಸ್ಥಾವರಕ್ಕೆ ಮಣೆ

ಪ್ಯಾರಿಸ್‌:‘ಭೂಮಿಯ ತಾಪಮಾನ ನಿಯಂತ್ರಣದಭರವಸೆಯನ್ನು ಈಡೇರಿಸುವ ಪ್ರಯತ್ನಕ್ಕೆ ಪೂರಕವಾಗಿ ದಶಕದೊಳಗೆ ಫ್ರಾನ್ಸ್‌ನಲ್ಲಿ ಮೊದಲ ಪರಮಾಣು ರಿಯಾಕ್ಟರ್‌ಗಳನ್ನು ಸ್ಥಾಪಿಸುವ ಪ್ರತಿಜ್ಞೆ ಮಾಡಲಾಗಿದೆ’ ಎಂದುಫ್ರಾನ್ಸ್‌ ಅಧ್ಯಕ್ಷಎಮ್ಯಾನುಯಲ್‌ ಮ್ಯಾಕ್ರನ್‌ ಹೇಳಿದ್ದಾರೆ.

ಇಂಧನ ಸ್ವಾವಲಂಬನೆ, ದೇಶದೊಳಗೆ ಸಮರ್ಪಕ ವಿದ್ಯುತ್‌ ಪೂರೈಕೆಯ ಜೊತೆಗೆ 2050 ರಲ್ಲಿ ಇಂಗಾಲ ಹೊರಸೂಸುವಿಕೆಯನ್ನು ಶೂನ್ಯಕ್ಕೆ ಇಳಿಸುವ ಗುರಿ ಸಾಧನೆಯ ಉದ್ದೇಶದಿಂದಪರಮಾಣು ರಿಯಾಕ್ಟರ್‌ ಸ್ಥಾಪಿಸಲು ನಿರ್ಧರಿಸಲಾಗಿದೆ. ನವೀಕರಿಸಬಹುದಾದ ಇಂಧನದ ಅಭಿವೃದ್ಧಿಯನ್ನು ದೇಶ ಮುಂದುವರಿಸಲಿದೆ ಎಂದು ಅವರು ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ.