ಹಾಂಗ್‌ಕಾಂಗ್‌ನಲ್ಲಿ ಪ್ರತಿಭಟನೆ: 15 ಜನರ ಬಂಧನ

ಹಾಂಗ್‌ಕಾಂಗ್‌: ‘ಚೀನಾದ ವ್ಯಾಪಾರಿಗಳು ಹಾಂಗ್‌ಕಾಂಗ್‌ ಬಿಟ್ಟು ತೊಲಗಿ’ ಎಂಬ ಘೋಷಣೆಗಳನ್ನು ಕೂಗುತ್ತಾ ಇಲ್ಲಿನ ಮಾಲ್‌ವೊಂದರ ಬಳಿ ಶನಿವಾರ ಪ್ರತಿಭಟನೆ ನಡೆಸಿದವರ ಪೈಕಿ 15 ಜನರನ್ನು ಪೊಲೀಸರು ಬಂಧಿಸಿದರು.

ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದ ನೂರಾರು ಜನರು ‘ಹಾಂಗ್‌ಕಾಂಗ್‌ ಅನ್ನು ಮುಕ್ತಗೊಳಿಸಿ’,‘ಚೀನಾಕ್ಕೆ ಹಿಂದಿರುಗಿ’ ಎಂಬ ಘೋಷಣೆಗಳನ್ನು ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು. ಈ ವೇಳೆ ಪೊಲೀಸರೊಂದಿಗೆ ಜಟಾಪಟಿಯೂ ನಡೆದಿದೆ.