ಶ್ರೀಲಂಕಾ: ಮೂವರು ಭಾರತೀಯರ ಬಂಧನ

ಕೊಲಂಬೊ: ಸುಮಾರು ₹14.5 ಕೋಟಿ ಮೌಲ್ಯದ ಮಾದಕವಸ್ತು ಹೊಂದಿದ್ದ ಆರೋಪದ ಮೇಲೆ ಮೂವರು ಭಾರತೀಯರನ್ನು ಶ್ರೀಲಂಕಾದಲ್ಲಿ ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇಬ್ಬರು ಮಹಿಳೆಯರು ಸೇರಿದಂತೆ ಮೂವರು ಆರೋಪಿಗಳು ಬ್ಯಾಂಕಾಕ್‌ನಿಂದ ಶ್ರೀಲಂಕಾ ಏರ್‌ವೇಸ್‌ ಮೂಲಕ ಇಲ್ಲಿನ ಬಂಡಾರನಾಯಕೆ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಿಳಿದಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಮುಂಬೈನ ಇಬ್ಬರು ಮಹಿಳೆಯರು 25 ಮತ್ತು 27 ವರ್ಷದವರಾಗಿದ್ದು, ಶಿಕ್ಷಕಿಯರಾಗಿ ಕೆಲಸ ಮಾಡುತ್ತಿದ್ದರು. ಗ್ರೀನ್‌ ಚಾನೆಲ್ ಮೂಲಕ ಪಲಾಯನಕ್ಕೆ ಯತ್ನಿಸುತ್ತಿದ್ದ ಸಂದರ್ಭದಲ್ಲಿ ಅವರನ್ನು ಬಂಧಿಸಲಾಯಿತು. ಆರೋಪಿಗಳ ಬಳಿ 50 ಕೆ.ಜಿ ಕುಷ್‌ ಕ್ಯಾನಬೀಸ್‌ ಇತ್ತು ಎಂದು ಹೇಳಿದ್ದಾರೆ.