ಇಂಡೊನೇಷ್ಯಾ: ಪತನಗೊಂಡ ವಿಮಾನದ ಕಾಕ್‌ಪಿಟ್‌ಗೆ ಶೋಧ

ಜಕಾರ್ತ: ಸಮುದ್ರದಲ್ಲಿ ಇತ್ತೀಚೆಗೆ ಪತನಗೊಂಡಿರುವ ಇಂಡೊನೇಷ್ಯಾದ ಶ್ರೀವಿಜಯ ಏರ್‌ಗೆ ಸೇರಿದ ವಿಮಾನದ ಕಾಕ್‌ಪಿಟ್‌ ಸಾಧನವನ್ನು ಪತ್ತೆ ಹಚ್ಚುವ ಕಾರ್ಯವನ್ನು ಬುಧವಾರ ಕೈಗೊಳ್ಳಲಾಗಿದೆ.

ವಿಮಾನದ ಅವಶೇಷಗಳ ನಡುವೆ ಈ ಸಾಧನ ಪತ್ತೆಗಾಗಿ ನೌಕಾಪಡೆಯ ಮುಳುಗುತಜ್ಞರು ಪ್ರಯತ್ನ ಮುಂದುವರಿಸಿದ್ದಾರೆ.

ಮಂಗಳವಾರ ನಡೆದ ಕಾರ್ಯಾಚರಣೆಯಲ್ಲಿ ಮುಳುಗುತಜ್ಞರು ಡೇಟಾ ರೆಕಾರ್ಡರ್‌ ಸಾಧನವನ್ನು ಪತ್ತೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

ಕಳೆದ ಶನಿವಾರ ಇಲ್ಲಿನ ವಿಮಾನನಿಲ್ದಾಣದಿಂದ ಸಂಸ್ಥೆಯ ವಿಮಾನ (ಬೋಯಿಂಗ್‌ 737–500) ಟೇಕಾಫ್‌ ಆದ ಕೆಲ ನಿಮಿಷಗಳ ನಂತರ ಜಾವಾ ಸಮುದ್ರದಲ್ಲಿ ಪತನವಾಗಿತ್ತು. ಈ ವಿಮಾನದಲ್ಲಿ ಸಿಬ್ಬಂದಿ ಸೇರಿ 62 ಜನರು ಪ್ರಯಾಣಿಸುತ್ತಿದ್ದರು.