ಟೆಹರಾನ್: ತನ್ನ ಬದ್ಧ ವೈರಿ ಇಸ್ರೇಲ್ ಹಾಗೂ ಇರಾನ್ ಸುತ್ತಮುತ್ತಲಿನ ಅಮೆರಿಕದ ಹಲವು ನೆಲೆಗಳ ಮೇಲೆ ದಾಳಿ ನಡೆಸಬಲ್ಲ ವಿಶಾಲ ವ್ಯಾಪ್ತಿಯ ಹೊಸ ಕ್ಷಿಪಣಿಯನ್ನು ಅಭಿವೃದ್ಧಿಪಡಿಸಲಾಗಿದೆ ಎಂದು ಸರ್ಕಾರಿ ಸ್ವಾಮ್ಯದ ಟಿವಿ ವರದಿ ಮಾಡಿದೆ.
ಘನ ಇಂಧನ ಚಾಲಿತ ಈ ಕ್ಷಿಪಣಿ 1.452 ಕಿ.ಮೀ.ತನಕ ಕ್ರಮಿಸಿ ದಾಳಿ ಮಾಡಬಲ್ಲದು. ಎರಡು ಸಾವಿರ ಕಿ.ಮೀ. ತನಕವೂ ದಾಳಿ ಮಾಡುವ ಸಾಮರ್ಥ್ಯ ಹೊಂದಿದೆ. ಇದಕ್ಕೆ ‘ಖೈಬರ್–ಬೂಸ್ಟರ್’ ಎಂದು ಹೆಸರಿಡಲಾಗಿದೆ. ದೇಶಿ ನಿರ್ಮಿತ ಈ ಕ್ಷಿಪಣಿ ಅತಿ ನಿಖರವಾಗಿ ಗುರಿ ತಲುಪುವುದಷ್ಟೇ ಅಲ್ಲದೆ, ವೈರಿ ರಾಷ್ಟ್ರಗಳ ಕ್ಪಿಪಣಿ ನಿಗ್ರಹ ವ್ಯವಸ್ಥೆಯನ್ನೂ ಭೇದಿಸಿ ಒಳನುಗ್ಗುವ ಸಾಮರ್ಥ್ಯ ಹೊಂದಿದೆ ಎಂದು ಇರಾನ್ ಹೇಳಿಕೊಂಡಿದೆ.
ಇರಾನ್ ಕಳೆದ ಜನವರಿಯಲ್ಲಿ ಉಪಗ್ರಹ ಉಡಾವಣೆಗೆ ಘನ ಇಂಧನರಾಕೆಟ್ ಎಂಜಿನ್ ಪರೀಕ್ಷೆ ನಡೆಸಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.