ಫಿಲಿಪ್ಪೀನ್ಸ್‌ನಲ್ಲಿ ಭೂ ಕುಸಿತ: ಅಪ್ರಾಪ್ತ ವಯಸ್ಸಿನ 27 ಮಂದಿ ಕಣ್ಮರೆ

ಮನಿಲಾ: ದಕ್ಷಿಣ ಫಿಲಿಪ್ಪೀನ್ಸ್‌ನಲ್ಲಿ ಉಂಟಾದ ಭೂಕುಸಿತದಲ್ಲಿ ಅಪ್ರಾಪ್ತ ವಯಸ್ಸಿನ 27 ಮಂದಿ ಕಣ್ಮರೆಯಾಗಿದ್ದು ಅವರಿಗಾಗಿ ಶೋಧ ಕಾರ್ಯಾಚರಣೆ ಮುಂದುವರಿದಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಡಾವೊ ಡಿ ಒರೊ ಪ್ರಾಂತ್ಯದ ಮಕೊ ಪಟ್ಟಣದ ಬಳಿಯ ಮಸರಾ ಹಳ್ಳಿಯ ಮನೆಗಳ ಮೇಲೆ ಪರ್ವತದ ಪಾರ್ಶ್ವವೊಂದು ಮಂಗಳವಾರ ರಾತ್ರಿ ಕುಸಿದ್ದುಬಿದ್ದಿದ್ದು, ಎಷ್ಟು ಮಂದಿ ಮನೆಗಳಲ್ಲಿ ಸಿಲುಕಿಕೊಂಡಿದ್ದಾರೆ ಎನ್ನುವುದು ಸ್ಪಷ್ಟವಾಗಿಲ್ಲ. ಆದರೆ, 11 ಮಂದಿ ಗಾಯಗೊಂಡಿದ್ದಾರೆ ಎಂದು ಪ್ರಾಂತೀಯ ಸರ್ಕಾರದ ವಕ್ತಾರ ಎಡ್ವರ್ಡ್ ಮಕಪಿಲಿ ತಿಳಿಸಿದ್ದಾರೆ.