26/11ರ ಮುಂಬೈ ಭಯೋತ್ಪಾದನಾ ದಾಳಿಕೋರರಿಗೆ ತ್ವರಿತವಾಗಿ ಶಿಕ್ಷೆಯಾಗಲಿ: ಬ್ಲಿಂಕೆನ್

ವಾಷಿಂಗ್ಟನ್‌: 2008ರ ನವೆಂಬರ್‌ 11ರಂದು ಮುಂಬೈ ಮೇಲೆ ಭಯೋತ್ಪಾದಕ ದಾಳಿ ನಡೆಸಿದವರ ವಿರುದ್ಧದ ವಿಚಾರಣೆಯನ್ನು ತ್ವರಿತಗೊಳಿಸಿ, ಅವರಿಗೆ ಶಿಕ್ಷೆ ವಿಧಿಸಬೇಕು ಎಂದು ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಆ್ಯಂಟೊನಿ ಬ್ಲಿಂಕೆನ್‌ ಒತ್ತಾಯಿಸಿದರು.

ಮುಂಬೈ ಮೇಲಿನ ದಾಳಿಗೆ 13ನೇ ವರ್ಷ ತುಂಬಿದ ಹಿನ್ನೆಲೆಯಲ್ಲಿ ಮಾತನಾಡಿದ ಅವರು, ಈ ಭೀಕರ ದಾಳಿಯ ಆಘಾತದಿಂದ ಪುಟಿದೆದ್ದ ಮುಂಬೈ ನಿವಾಸಿಗಳ ನಡೆಯನ್ನು ಅವರು ಶ್ಲಾಘಿಸಿದರು.

‘ಆರು ಜನ ಅಮೆರಿಕನ್ನರು ಸೇರಿದಂತೆ ಮುಂಬೈ ದಾಳಿಯಲ್ಲಿ ಮೃತಪಟ್ಟವರನ್ನು ನಾವು ಸ್ಮರಿಸಬೇಕು. ಆದರೆ ಅಪರಾಧಿಗಳಿಗೆ ಶಿಕ್ಷೆಯಾಗುವುದು ಬಾಕಿ ಇದೆ’ ಎಂದು ಬ್ಲಿಂಕನ್‌ ಟ್ವೀಟ್‌ ಮಾಡಿದ್ದಾರೆ.