ಉಕ್ರೇನ್ ರಕ್ಷಣೆಗೆ ಯುದ್ಧ ತರಬೇತಿಗಿಳಿದ ನವ ಜೋಡಿ

ಒಡೆಸ್ಸಾ(ರಾಯಿಟರ್ಸ್): ಪ್ರೀತಿ, ಪ್ರೇಮ ಎಂದು ಮೈಮರೆಯಬೇಕಿದ್ದ ಹಲವು ನವ ಜೋಡಿಗಳು ಉಕ್ರೇನ್ ಮೇಲೆ ದಂಡೆತ್ತಿ ಬಂದಿರುವ ರಷ್ಯಾ ವಿರುದ್ಧದ ಹೋರಾಟಕ್ಕೆ ಪಣ ತೊಟ್ಟಿವೆ. ಇದೇ ಕಾರಣಕ್ಕೆ ಉಕ್ರೇನ್‌ನ ಒಡೆಸ್ಸಾದಲ್ಲಿರುವ ತರಬೇತಿ ಕೇಂದ್ರದಲ್ಲಿ ಹಲವು ನವ ಜೋಡಿಗಳು ಸೇರಿದಂತೆ ಹಲವರು ಯುದ್ಧ ತರಬೇತಿ ಪಡೆಯುತ್ತಿದ್ದಾರೆ.

ರಷ್ಯಾ ಪಡೆಗಳಿಂದ ದೇಶದ ರಕ್ಷಣೆಗಾಗಿ ದೇಶದ ಅರ್ಧಕ್ಕಿಂತ ಹೆಚ್ಚು ಆಮದು ಮತ್ತು ರಫ್ತು ವ್ಯವಹಾರಗಳನ್ನು ನಿರ್ವಹಿಸುವ ಒಡೆಸ್ಸಾದಲ್ಲಿ ಯುವ ಜನತೆಗೆ ಯುದ್ಧ ತರಬೇತಿ ಕೇಂದ್ರ ಆರಂಭಿಸಲಾಗಿದೆ. ಈ ಕೇಂದ್ರದಲ್ಲಿ ಪ್ರತಿ ದಿನ 80-150 ಮಂದಿಗೆ ಯುದ್ಧ ಕೌಶಲ ತರಬೇತಿ ನೀಡಲಾಗುತ್ತಿದೆ. ಈ ಕೇಂದ್ರದಲ್ಲಿ ನವ ಜೋಡಿ ಸೇರಿದಂತೆ ಹಲವು ಯುವಕರು ತರಬೇತಿ ಪಡೆಯುತ್ತಿದ್ದಾರೆ.

ಉಕ್ರೇನ್ ಪಡೆಗಳು ಮತ್ತು ನಾಗರಿಕರ ಪ್ರತಿದಾಳಿಯ ಪರಿಣಾಮ ಉಕ್ರೇನ್ ಮೇಲೆ ರಷ್ಯಾ ದಾಳಿ ಆರಂಭಿಸಿ 3 ವಾರಗಳೇ ಕಳೆದಿವೆ. ಆದರೆ, ರಾಜಧಾನಿ ಕೀವ್ ಮತ್ತು ಒಡೆಸ್ಸಾ ಸೇರಿದಂತೆ ಪ್ರಮುಖ ನಗರಗಳನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳಲು ಹೆಣಗಾಡುತ್ತಿದೆ.