ವಿಶ್ವದೆಲ್ಲೆಡೆ ಪವಿತ್ರ ರಂಜಾನ್ ಆರಂಭ

ದುಬೈ: ಮುಸಲ್ಮಾನರ ಪವಿತ್ರ ರಂಜಾನ್‌ ತಿಂಗಳು ಆಚರಣೆ ವಿಶ್ವದಾದ್ಯಂತ ಆರಂಭಗೊಂಡಿದೆ.

ಬುಧವಾರ ಸೂರ್ಯಾಸ್ತದೊಂದಿಗೆ ರಂಜಾನ್‌ ಆಚರಣೆಗೆ ಚಾಲನೆ ದೊರೆತಿದ್ದು, ತಿಂಗಳಿಡಿ ಮುಸ್ಲಿಮರು ಸೂರ್ಯೋದಯದಿಂದ ಸೂರ್ಯಾಸ್ತದವರೆಗೆ ಉಪವಾಸವಿದ್ದು, ಪ್ರಾರ್ಥನೆ ಸಲ್ಲಿಸುತ್ತಾರೆ.

ಈ ಸಂದರ್ಭದಲ್ಲಿ, ಕುರಾನ್‌ ಪಠಣವಲ್ಲದೇ, ಬಡವರಿಗೆ ದಾನ ಮಾಡುವುದು ವಿಶೇಷ.

ಉಕ್ರೇನ್‌–ರಷ್ಯಾ ಸಂಘರ್ಷದಿಂದಾಗಿ ಬೆಲೆ ಏರಿಕೆಯ ಬಿಸಿಯ ನಡುವೆ ಹಬ್ಬದ ಆಚರಣೆ ಆರಂಭವಾಗಿದೆ. ಟರ್ಕಿ, ಸಿರಿಯಾಗಳಲ್ಲಿ ಸಂಭವಿಸಿದ ಭೂಕಂಪದಿಂದಾಗಿ ಆ ರಾಷ್ಟ್ರಗಳ ಜನಜೀವನವೇ ಅಸ್ತವ್ಯಸ್ತಗೊಂಡಿದೆ. ಈ ಎಲ್ಲ ವಿದ್ಯಮಾನಗಳು ರಂಜಾನ್‌ನ ಸಂಭ್ರಮವನ್ನು ಕಡಿಮೆಗೊಳಿಸಿವೆ ಎಂದು ವಿಶ್ಲೇಷಿಸಲಾಗುತ್ತಿದೆ.