ADVERTISEMENT

ಕೋವಿಡ್ ನಡುವೆಯೂ ದಾಖಲೆ ಪ್ರಮಾಣದಲ್ಲಿ ಮೌಂಟ್‌ ಎವರೆಸ್ಟ್‌ ಚಾರಣಕ್ಕೆ ಪರವಾನಗಿ

ಪಿಟಿಐ
Published 25 ಏಪ್ರಿಲ್ 2021, 9:05 IST
Last Updated 25 ಏಪ್ರಿಲ್ 2021, 9:05 IST
ಮೌಂಟ್‌ ಎವರೆಸ್ಟ್‌
ಮೌಂಟ್‌ ಎವರೆಸ್ಟ್‌   

ಕಠ್ಮಂಡು: ನೇಪಾಳವು ಕೊರೊನಾ ಸಾಂಕ್ರಾಮಿಕದ ನಡುವೆ ಈ ವರ್ಷ ವಿಶ್ವದ ಅತ್ಯುನ್ನತ ಶಿಖರ ಮೌಂಟ್‌ ಎವರೆಸ್ಟ್‌ ಚಾರಣಕ್ಕಾಗಿ ದಾಖಲೆ ಪ್ರಮಾಣದಷ್ಟು ಪರವಾನಗಿಯನ್ನು ನೀಡಿದೆ.

‘ಈ ವರ್ಷ, ಶುಕ್ರವಾರದ ತನಕ ಮೌಂಟ್‌ ಎವರೆಸ್ಟ್‌ ಚಾರಣಕ್ಕಾಗಿ 394 ಪರವಾನಗಿಗಳನ್ನು ನೀಡಲಾಗಿದೆ. 2019ರಲ್ಲಿ 381 ಪರವಾನಗಿಗಳನ್ನು ನೀಡಲಾಗಿತ್ತು’ ಎಂದು ಪ್ರವಾಸೋದ್ಯಮ ಇಲಾಖೆಯ ನಿರ್ದೇಶಕಿ ಮೀರಾ ಆಚಾರ್ಯ ಅವರು ತಿಳಿಸಿದರು.

ನೇಪಾಳವು ಮೌಂಟ್‌ ಎವರೆಸ್ಟ್‌ ಚಾರಣದಿಂದ ಬರುವ ಆದಾಯ ಮೇಲೆ ಹೆಚ್ಚು ಅವಲಂಬಿತವಾಗಿದೆ.

ಈ ವಾರ ಎವರೆಸ್ಟ್‌ ಬೇಸ್‌ ಕ್ಯಾಂಪ್‌ನಲ್ಲಿ ಮೊದಲ ಕೋವಿಡ್‌ ‍ಪ್ರಕರಣ ವರದಿಯಾಗಿದೆ. ಈ ಹಿನ್ನೆಲೆಯಲ್ಲಿ ಎವರೆಸ್ಟ್‌ ಬೇಸ್‌ ಕ್ಯಾಂಪ್‌ಗೆ ಆಗಮಿಸುವ ಮುನ್ನ ಪರ್ವತಾರೋಹಿಗಳು ಕ್ವಾರಂಟೈನ್‌ಗೆ ಒಳಗಾಗುವಂತೆ ನೇಪಾಳ ಸರ್ಕಾರ ಸೂಚಿಸಿದೆ.

ಈವರೆಗೆ ನೇಪಾಳದಲ್ಲಿ 2,97,087 ಕೋವಿಡ್‌ ಪ್ರಕರಣಗಳು ವರದಿಯಾಗಿದ್ದು, 3,136 ಮಂದಿ ಸೋಂಕಿನಿಂದ ಮೃತಪಟ್ಟಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.