ನೀಲಿಚಿತ್ರಗಳ ನಟಿಗೆ ಹಣ ನೀಡಿದ ಪ್ರಕರಣ: ಟ್ರಂಪ್ ಅರ್ಜಿ ತಿರಸ್ಕರಿಸಿದ ಕೋರ್ಟ್

ನ್ಯೂಯಾರ್ಕ್: ನೀಲಿಚಿತ್ರಗಳ ನಟಿಗೆ ಹಣ ನೀಡಿ ಬಾಯಿ ಮುಚ್ಚಿಸಿದ ಪ್ರಕರಣದಲ್ಲಿನ ಆರೋಪಕ್ಕೆ ಸಂಬಂಧಿಸಿದಂತೆ ತಾವು ಸಾರ್ವಜನಿಕವಾಗಿ ಏನನ್ನೂ ಹೇಳುವಂತಿಲ್ಲ ಎಂಬ ಆದೇಶವನ್ನು ರದ್ದುಪಡಿಸುವಂತೆ ಕೋರಿ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಸಲ್ಲಿಸಿದ್ದ ಅರ್ಜಿಯನ್ನು ನ್ಯೂಯಾರ್ಕ್‌ ಕೋರ್ಟ್ ತಿರಸ್ಕರಿಸಿದೆ. 

ಪ್ರಕರಣದ ವಿಚಾರಣೆಯು ಕ್ರಮಬದ್ಧವಾಗಿ ನಡೆಯಲು ಸಾರ್ವಜನಿಕವಾಗಿ ಈ ಪ್ರಕರಣದ ಕುರಿತು ಟ್ರಂಪ್ ಅವರು ಏನನ್ನೂ ಹೇಳದೇ ಇರುವುದು ಮುಖ್ಯವಾಗಿದೆ ಎಂದು ಐವರು ನ್ಯಾಯಮೂರ್ತಿಗಳನ್ನು ಒಳಗೊಂಡ ಪೀಠವು ತಿಳಿಸಿದೆ.