ಟ್ರಂಪ್‌ ಸಂಸ್ಥೆಯ ಜೊತೆಗಿನ ಒಪ್ಪಂದ ರದ್ದು

ನ್ಯೂಯಾರ್ಕ್‌: ‘ಕ್ಯಾಪಿಟಲ್‌ ಹಿಲ್‌ ಮೇಲೆ ನಡೆದ ದಾಳಿ ಹಿನ್ನೆಲೆಯಲ್ಲಿ ಡೊನಾಲ್ಡ್‌ ಟ್ರಂಪ್‌ ಅವರ ಸಂಸ್ಥೆಯೊಂದಿಗಿನ ಎಲ್ಲಾ ಒಪ್ಪಂದಗಳನ್ನು ರದ್ದು ಮಾಡಲಾಗಿದೆ’ ಎಂದು ನ್ಯೂಯಾರ್ಕ್‌ ಸಿಟಿ ಮೇಯರ್‌ ಬಿಲ್‌ ಬ್ಲಾಸಿಯೊ ಬುಧವಾರ ತಿಳಿಸಿದ್ದಾರೆ.

‘ದಂಗೆಕೋರರ ಜೊತೆ ನ್ಯೂಯಾರ್ಕ್‌ ಸಿಟಿ ಯಾವುದೇ ವ್ಯವಹಾರ ಮಾಡುವುದಿಲ್ಲ’ ಎಂದು ಡೆಮಾಕ್ರಟಿಕ್‌ ಪಕ್ಷದ ಬ್ಲಾಸಿಯೊ ಹೇಳಿದ್ದಾರೆ.

‘ಸೆಂಟ್ರಲ್‌ ಪಾರ್ಕ್‌, ಫೆರಿ ಪಾಯಿಂಟ್ ಗಾಲ್ಫ್‌ ಕೋರ್ಸ್‌ ಹಾಗೂ ವೊಲ್‌ಮನ್‌ ಮತ್ತು ಲ್ಯಾಸ್ಕರ್‌ನಲ್ಲಿರುವ ಸ್ಕೇಟಿಂಗ್‌ ರಿಂಕ್ಸ್‌ಗಳ ನಿರ್ವಹಣೆ ಸಂಬಂಧ ಟ್ರಂಪ್‌ ಅವರ ಸಂಸ್ಥೆಯೊಂದಿಗೆ ಒಪ್ಪಂದ ಮಾಡಿಕೊಳ್ಳಲಾಗಿತ್ತು. ಅವುಗಳನ್ನು ರದ್ದು ಪಡಿಸಿದ್ದೇವೆ’ ಎಂದು ಅವರು ನುಡಿದಿದ್ದಾರೆ.