ಭಾರತದೊಂದಿಗಿನ ಎಲ್ಲ ವಿವಾದ ಬಗೆಹರಿಸಲು ಕರೆ ನೀಡಿದ ಪಾಕ್ ಸೇನಾ ಮುಖ್ಯಸ್ಥ

ಇಸ್ಲಾಮಾಬಾದ್: ಭಾರತದೊಂದಿಗಿನ ಎಲ್ಲ ವಿವಾದಗಳನ್ನು ಬಗೆಹರಿಸಲು ಮಾತುಕತೆಗೆ ಪಾಕಿಸ್ತಾನದ ಸೇನಾ ಮುಖ್ಯಸ್ಥ ಜನರಲ್ ಖಮರ್‌ ಜಾವೇದ್‌ ಬಾಜ್ವಾ ಕರೆ ನೀಡಿದ್ದಾರೆ.

ಇಸ್ಲಾಮಾಬಾದ್ ಭದ್ರತಾ ಸಂವಾದವನ್ನು ಉದ್ದೇಶಿಸಿ ಮಾತನಾಡಿದ ಜಾವೇದ್, ಈ ಕುರಿತು ವಿಷಯ ಪ್ರಸ್ತಾಪಿಸಿದರು.

ಇದನ್ನೂ ಓದಿ:IPL 2022: ಜಹೀರ್, ಭುವಿ ಸಾಲಿಗೆ ಸೇರಿದ ಉಮೇಶ್ ಯಾದವ್

ಪಾಕಿಸ್ತಾನದ ಪ್ರಧಾನಿ ಇಮ್ರಾನ್ ಖಾನ್ ಶುಕ್ರವಾರ ಸಂವಾದವನ್ನು ಉದ್ಘಾಟಿಸಿದರು. 'ಸಮಗ್ರ ಭದ್ರತೆ: ಅಂತರರಾಷ್ಟ್ರೀಯ ಸಹಕಾರ ಪುನರ್ ರಚನೆ' ಎಂಬ ವಿಷಯದ ಅಡಿಯಲ್ಲಿ ಎದುರಾಗುತ್ತಿರುವ ಭದ್ರತಾ ಸವಾಲುಗಳನ್ನು ಚರ್ಚಿಸಿದರು.

ಪಾಕಿಸ್ತಾನ, ಅಮೆರಿಕ, ಚೀನಾ, ಬ್ರಿಟನ್, ರಷ್ಯಾ, ಯುರೋಪಿಯನ್ ಒಕ್ಕೂಟ, ಜಪಾನ್, ಫಿಲಿಪೈನ್ಸ್ ಸೇರಿದಂತೆ 17 ದೇಶಗಳ ಅಂತರರಾಷ್ಟ್ರೀಯ ನೀತಿ ತಜ್ಞರು ಸಂವಾದದಲ್ಲಿ ಭಾಗವಹಿಸಿದ್ದರು.