ಉಗ್ರರ ದಾಳಿ; ಪಾಕ್‌ನ ಮೂವರು ಯೋಧರ ಸಾವು

ಇಸ್ಲಾಮಾಬಾದ್:ಆಫ್ಗಾನಿಸ್ತಾನ ಗಡಿಯಲ್ಲಿ ಭಾನುವಾರ ಉಗ್ರರು ನಡೆಸಿದ ದಾಳಿಯಿಂದಾಗಿ ಪಾಕಿಸ್ತಾನದ ಮೂವರು ಯೋಧರು ಸತ್ತಿದ್ದು, ನಾಲ್ವರು ಗಾಯಗೊಂಡಿದ್ದಾರೆ.

ಖೈಬರ್ ಪಾಕ್ ತುಂಕ್ವಾ ಪ್ರಾಂತ್ಯದ ದಕ್ಷಿನ ವಜಿರಿಸ್ತಾನ್‌ನಲ್ಲಿ ಉಗ್ರಗಾಮಿಗಳು ಕಾರ್ಯಾಚರಣೆಯಲ್ಲಿ ತೊಡಗಿದ್ದ ಯೋಧರ ತುಕಡಿ ಮೇಲೆ ದಾಳಿ ನಡೆಸಿದ್ದಾರೆ ಎಂದು ಪಾಕ್ ಸೇನೆಯ ಹೇಳಿಕೆಯು ತಿಳಿಸಿದೆ.

ದಾಳಿಯ ಹೊಣೆಯನ್ನು ಯಾವುದೇ ಉಗ್ರರ ತಂಡ ಹೊತ್ತುಕೊಂಡಿಲ್ಲ. ಆದರೆ, ಈ ಕೃತ್ಯದ ಹಿಂದೆ ಈ ಭಾಗದಲ್ಲಿ ಹಿಂಸಾಕೃತ್ಯದಲ್ಲಿ ತೊಡಗಿರುವ ಪಾಕಿಸ್ತಾನಿ ತಾಲಿಬಾನಿ ತಂಡದ ಪಾತ್ರ ಇರಬಹುದು ಎಂದು ಆರೋಪಿಸಲಾಗಿದೆ.