ಎರಡು ಪ್ರಕರಣಗಳಲ್ಲಿ ಇಮ್ರಾನ್‌ಗೆ ಜಾಮೀನು

ಲಾಹೋರ್‌: ಪಾಕಿಸ್ತಾನದ ಪದಚ್ಯುತ ಪ್ರಧಾನಿ ಇಮ್ರಾನ್‌ ಖಾನ್‌ ವಿರುದ್ಧ ಕಳೆದ ವಾರ ದಾಖಲಾಗಿದ್ದ ಎರಡು ಭಯೋತ್ಪಾದನಾ ಪ್ರಕರಣ ಸೇರಿ ಮೂರು ಪ್ರಕರಣಗಳಲ್ಲಿ ಇಲ್ಲಿಯ ಹೈಕೋರ್ಟ್‌ ಮಂಗಳವಾರ ಜಾಮೀನು ನೀಡಿದೆ.

ನ್ಯಾಯಮೂರ್ತಿ ಶೆಹಬಾಜ್‌ ರಿಜ್ವಿ ಮತ್ತು ಫಾರೂಕ್‌ ಹೈದರ್‌ ಅವರಿದ್ದ ಪೀಠ ಮಾರ್ಚ್‌ 27ರವರೆಗೆ ಜಾಮೀನು ಮಂಜೂರು ಮಾಡಿದೆ.

ತೋಷಖಾನ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿಚಾರಣೆಗೆ ನ್ಯಾಯಮೂರ್ತಿ ಬಕೀರ್‌ ನಖ್ವಿ ಅವರ ಎದುರು ಹಾಜರಾದ ಇಮ್ರಾನ್‌ ಅವರಿಗೆ ಮುಂದಿನ ಮಂಗಳವಾರದವರೆಗೆ ಜಾಮೀನು ದೊರಕಿದೆ.