ಪಾಕಿಸ್ತಾನ | ಮರ್ಯಾದಗೇಡು ಹತ್ಯೆ: 11 ಆರೋಪಿಗಳ ಬಂಧನ

ಕರಾಚಿ: ಪಾಕಿಸ್ತಾನದ ಬಲೂಚಿಸ್ತಾನದಲ್ಲಿ ಜೋಡಿಯೊಂದರ ಮರ್ಯಾದೆಗೇಡು ಹತ್ಯೆ ಮಾಡಿದ ಪ್ರಕರಣದಲ್ಲಿ 11 ಜನರನ್ನು ಪೊಲೀಸರು ಬಂಧಿಸಿದ್ದಾರೆ. ಘಟನೆಯ ವಿಡಿಯೊ ಹರಿದಾಡಿದ್ದು, ಜನರ ಗುಂಪೊಂದು ಜೋಡಿಯನ್ನು ವಾಹನದಿಂದ ಹೊರಗೆಳೆದು ಮರುಭೂ‌ಮಿಗೆ ಕೊಂಡೊಯ್ದು ಗುಂಡಿಕ್ಕಿ ಹತ್ಯೆ ಮಾಡಿದೆ.

ರಾಜಕೀಯ ನಾಯಕರು ಮತ್ತು ಹೋರಾಟಗಾರರು ಇದನ್ನು ‘ಮರ್ಯಾದೆಗೇಡು ಹತ್ಯೆ’ ಎಂದು ಕರೆದಿದ್ದಾರೆ. ಘಟನೆಯು ದೇಶದಲ್ಲಿ ತೀವ್ರ ಆಕ್ರೋಶ ಹು‌ಟ್ಟುಹಾಕಿದ್ದು, ನಾಗರಿಕ ಸಂಘಟನೆಗಳು, ಧಾರ್ಮಿಕ ಮತ್ತು ರಾಜಕೀಯ ನಾಯಕರು ದುಷ್ಕರ್ಮಿಗಳನ್ನು ಬಂ‌ಧಿಸಿ, ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ.

ಪ್ರಕರಣದಲ್ಲಿ 11 ಮಂದಿ ಆರೋಪಿಗಳನ್ನು ಬಂಧಿಸಲಾಗಿದೆ ಎಂದು ‌ಬಲೂಚಿಸ್ತಾನದ ಮುಖ್ಯಮಂತ್ರಿ ಸರ್ಫರಾಝ್ ಬುಗ್ತಿ ಸೋಮವಾರ ಹೇಳಿದ್ದಾರೆ. 

ಪ್ರಕರಣದ ಎಫ್‌ಐಆರ್ ದಾಖಲಿಸಲಾಗಿದೆ ಎಂದು ಕ್ವೆಟ್ಟಾದ ಹನ್ನಾ ಉರಕ್‌ ಪೊಲೀಸ್‌ ಠಾಣೆಯ ಎಸ್‌ಎಚ್‌ಒ ನವೀದ್ ಅಖ್ತರ್ ಹೇಳಿದ್ದಾರೆ.