ಪಾಕಿಸ್ತಾನ: ಕಂದಕಕ್ಕೆ ಬಿದ್ದ ಲಾರಿ; 14 ಮಂದಿ ಸಾವು

ಲಾಹೋರ್: ಪಾಕಿಸ್ತಾನದ ಪಂಜಾಬ್‌ ಪ್ರಾಂತ್ಯದಲ್ಲಿ ದಟ್ಟ ಮಂಜು ಆವರಿಸಿದ್ದರಿಂದಾಗಿ ರಸ್ತೆ ಗೋಚರಿಸದೇ ಆಯತಪ್ಪಿದ ಲಾರಿಯೊಂದು ಸೇತುವೆಯಿಂದ ಕಂದಕಕ್ಕೆ ಬಿದ್ದ ಪರಿಣಾಮ ಆರು ಮಕ್ಕಳು, ಐವರು ಮಹಿಳೆಯರು ಸೇರಿದಂತೆ 14 ಮಂದಿ ಮೃತಪಟ್ಟಿದ್ದಾರೆ.

ಸರ್ಗೋಧಾ ಜಿಲ್ಲೆಯ ಕೋಟ್ ಮೊಮಿನ್‌ನಲ್ಲಿ ಶನಿವಾರ ಮುಂಜಾನೆ ಅಪಘಾತ ಸಂಭವಿಸಿದೆ. ಇಸ್ಲಾಮಾಬಾದ್‌ನಿಂದ ಫೈಸಲಾಬಾದ್‌ಗೆ ಅಂತ್ಯಸಂಸ್ಕಾರಕ್ಕೆಂದು 23 ಜನರು ಲಾರಿಯಲ್ಲಿ ತೆರಳುತ್ತಿದ್ದ ವೇಳೆ ಈ ಅಪಘಾತ ಸಂಭವಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.