ನಾಗರಿಕ ಅಶಾಂತಿಯ ಹಾದಿಯಲ್ಲಿ ಪಾಕಿಸ್ತಾನ: ತೆಹ್ರೀಕ್‌ ಎ ಇನ್ಸಾಫ್

ಇಸ್ಲಾಮಾಬಾದ್: ಪಾಕಿಸ್ತಾನವು ನಾಗರಿಕ ಅಶಾಂತಿಯತ್ತ ಸಾಗುತ್ತಿದೆ ಎಂದು ಪದಚ್ಯುತಿಗೊಂಡಿರುವ ಪ್ರಧಾನಿ ಇಮ್ರಾನ್‌ ಖಾನ್‌ ಅವರ ಪಾಕಿಸ್ತಾನ ತೆಹ್ರೀಕ್‌ ಎ ಇನ್ಸಾಫ್ (ಪಿಟಿಐ) ಪಕ್ಷದ ನಾಯಕ ಫವಾದ್ ಚೌಧರಿ ಹೇಳಿದ್ದಾರೆ.

‍ಪಾಕಿಸ್ತಾನದ ಪಂಜಾಬ್‌ ಪ್ರಾಂತ್ಯದ ವಿಧಾನಸಭೆಯಲ್ಲಿ ನಡೆದ ಗದ್ದಲದ ವೇಳೆ ಸಭಾಪತಿ ಮತ್ತು ಉಪಸಭಾಪತಿಗೆ ಪಿಟಿಐ ಶಾಸಕರು ಥಳಿಸಿರುವ ಘಟನೆಯ ಕುರಿತು ಪ್ರತಿಕ್ರಿಯಿಸಿ ಟ್ವೀಟ್‌ ಮಾಡಿರುವ ಅವರು, ಇಮ್ರಾನ್‌ ಖಾನ್‌ ಅವರು ಸಂಯಮ ಪ್ರದರ್ಶಿಸುತ್ತಿದ್ದಾರೆ. ಆದರೆ ಉದ್ರಿಕ್ತ ಗುಂಪನ್ನು ನಿಯಂತ್ರಿಸಲು ಅವರಿಗೆ ಸಾಧ್ಯವಾಗದು ಎಂದಿದ್ದಾರೆ.