ಕಸಿದುಕೊಳ್ಳಲು ಪನಾಮಾ ಕಾಲುವೆ ಅಮೆರಿಕ ನೀಡಿದ ಉಡುಗೊರೆ ಅಲ್ಲ: ಅಧ್ಯಕ್ಷ ಜೋಸ್

ಡಾವೋಸ್: ‘ಕಸಿದುಕೊಳ್ಳಲು ಪನಾಮಾ ಕಾಲುವೆಯು ಅಮೆರಿಕ ನೀಡಿದ ಉಡುಗೊರೆಯಲ್ಲ’ ಎಂದು ರಿಪಬ್ಲಿಕ್ ಆಫ್ ಪನಾಮಾದ ಅಧ್ಯಕ್ಷ ಜೋಸ್ ರೌಲ್‌ ಮುಲಿನೊ ಹೇಳಿದ್ದಾರೆ.

ಕೆನಡಾ, ಗ್ರೀನ್‌ಲ್ಯಾಂಡ್‌ ಜತೆಗೆ ಪನಾಮಾ ಕಾಲುವೆಯನ್ನು ಅಮೆರಿಕಾಗೆ ಸೇರಿಸಿಕೊಳ್ಳುತ್ತೇನೆ ಎಂಬ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್ ಹೇಳಿಕೆಗೆ ತಿರುಗೇಟು ನೀಡಿದ್ದಾರೆ. ಸ್ವಿಟ್ಜರ್ಲೆಂಡ್‌ನ ಡಾವೋಸ್‌ನಲ್ಲಿ ನಡೆಯುತ್ತಿರುವ ವಿಶ್ವ ಆರ್ಥಿಕ ವೇದಿಕೆಯಲ್ಲಿ ಅವರು ಪ್ರತಿಕ್ರಿಯಿಸಿದ್ದಾರೆ.

‘ಟ್ರಂಪ್ ಹೇಳಿದ್ದನ್ನ ಸಾರಾಸಗಟಾಗಿ ತಿರಸ್ಕರಿಸುತ್ತೇವೆ. ಪನಾಮಾ ಕಾಲುವೆಯು ಪನಾಮಾಕ್ಕೇ ಸೇರಿದ್ದಾಗಿದ್ದು, ಮುಂದೆಯೂ ಪನಾಮಾದ್ದೇ ಆಗಿರಲಿದೆ. ಈ ಕಾಲುವೆಯು ಅಮೆರಿಕ ನೀಡಿದ ಯಾವುದೇ ರಿಯಾಯಿತಿ ಅಥವಾ ಉಡುಗೊರೆಯಲ್ಲ’ ಎಂದಿದ್ದಾರೆ.