ಫಿಲಿಫೈನ್ಸ್‌ ಅಧ್ಯಕ್ಷರಿಂದ ರಾಜಕೀಯ ನಿವೃತ್ತಿ ಘೋಷಣೆ
Published 2 ಅಕ್ಟೋಬರ್ 2021, 10:48 IST
ರೊಡ್ರಿಗೊ ಡುಟೆರ್ಟೆ
ಮನಿಲಾ, ಫಿಲಿಫೈನ್ಸ್‌: ಪ್ರಸಕ್ತ ಆಡಳಿತಾವಧಿ ಮುಗಿದ ಬಳಿಕ ತಾವು ರಾಜಕೀಯ ನಿವೃತ್ತಿ ಪಡೆಯಲಿದ್ದು, ಮುಂದಿನ ಚುನಾವಣೆಯಲ್ಲಿ ಉಪಾಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸುವುದಿಲ್ಲ ಎಂದು ಫಿಲಿಪ್ಪೀನ್ಸ್‌ ಅಧ್ಯಕ್ಷ ರೊಡ್ರಿಗೊ ಡುಟೆರ್ಟೆ ಹೇಳಿದ್ದಾರೆ.
ಡುಟೆರ್ಟೆ ತನ್ನ ಮಾಜಿ ಸಹಾಯಕ ಸೆನೆಟರ್‌ ಬಾಂಗ್‌ ಗೊ ಜೊತೆಗೆ ಶನಿವಾರ ಚುನಾವಣಾ ಆಯೋಗ ಕೇಂದ್ರಕ್ಕೆ ತೆರಳಿದ್ದ ವೇಳೆ ಅವರು ದೀಢೀರನೇ ಈ ಘೋಷಣೆ ಮಾಡಿದ್ದಾರೆ. ಡುಟೆರ್ಟೆ 2016ರಲ್ಲಿ ಅಧಿಕಾರ ವಹಿಸಿಕೊಂಡಿದ್ದರು.
ಫಿಲಿಪ್ಪೀನ್ಸ್‌ ಅಧ್ಯಕ್ಷರ ಅಧಿಕಾರವಧಿ ಸಂವಿಧಾನದ ಪ್ರಕಾರ ಆರು ವರ್ಷಗಳು. ಹೀಗಾಗಿ, ಡುಟೆರ್ಟೆ ಅವರು ಮತ್ತೆ ಚುನಾವಣೆಗೆ ಸ್ಪರ್ಧಿಸುವ ನಿರ್ಧಾರವನ್ನು ಸುಪ್ರೀಂಕೋರ್ಟ್‌ನಲ್ಲಿ ಪ್ರಶ್ನಿಸಲಾಗುವುದು ಎಂದು ವಿರೋಧಪಕ್ಷಗಳು ಹೇಳಿದ್ದವು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.