ಗುರುವಾರ ಆಸ್ಪತ್ರೆಯಿಂದ ಬಿಡುಗಡೆ

ಬ್ಯಾಂಕಾಕ್ (ಎಎಫ್‌ಪಿ): ಥಾಮ್ ಲುವಾಂಗ್ ಗುಹೆಯಿಂದ ರಕ್ಷಿಸಲಾದ ವೈಲ್ಡ್ ಬೋರ್ಸ್ ಫುಟ್‌ಬಾಲ್ ತಂಡದ 12 ಬಾಲಕರು ಹಾಗೂ ಒಬ್ಬ ತರಬೇತುದಾರ ಗುರುವಾರ ಆಸ್ಪತ್ರೆಯಿಂದ ಬಿಡುಗಡೆ ಆಗಲಿದ್ದಾರೆ.

ಪವಾಡದ ರೀತಿ ಬದುಕುಳಿದ ಕತೆಯನ್ನು ಕೇಳಲು ಮಾಧ್ಯಮದವರು ಕಾತುರದಿಂದ ಕಾಯುತ್ತಿದ್ದಾರೆ. ಆದರೆ ಮಾನಸಿಕ ಆರೋಗ್ಯದ ಸ್ಥಿರತೆ ಕಾಪಾಡುವ ದೃಷ್ಟಿಯಿಂದ ಒಂದಿಷ್ಟು ದಿನ ಸಂದರ್ಶನ ನೀಡದಂತೆ ಮಕ್ಕಳಿಗೆ ಮನವಿ ಮಾಡಲಾಗಿದೆ.

‘ಎಲ್ಲರೂ ದೈಹಿಕವಾಗಿ ಆರೋಗ್ಯವಾಗಿದ್ದಾರೆ. ಉತ್ಸಾಹವೂ ಇದೆ. ಬಾಲಕರು ತಮ್ಮ ಮನೆಯವರು ಹಾಗೂ ಸ್ನೇಹಿತರ ಜೊತೆ ಕಾಲ ಕಳೆಯುವುದು ಸೂಕ್ತ’ ಎಂದು ಆರೋಗ್ಯ ಸಚಿವ ಅಭಿಪ್ರಾಯಪಟ್ಟಿದ್ದಾರೆ.