ಅಮೆರಿಕದಲ್ಲಿ ರಾಷ್ಟ್ರೀಯ ಸಿಖ್‌ ದಿನಾಚರಣೆಗೆ ನಿರ್ಣಯ ಮಂಡನೆ

ವಾಷಿಂಗ್ಟನ್‌: ಅಮೆರಿಕದಲ್ಲಿ ಪ್ರತಿ ವರ್ಷ ಏಪ್ರಿಲ್‌ 14 ಅನ್ನು ರಾಷ್ಟ್ರೀಯ ಸಿಖ್‌ ದಿನಾಚರಣೆಯನ್ನಾಗಿ ಆಚರಿಸಲು ಸಂಸತ್‌ನಲ್ಲಿ ರಾಜ್‌ಕೃಷ್ಣಮೂರ್ತಿ ಸೇರಿದಂತೆ ಭಾರತ ಮೂಲದ ಅಮೆರಿಕದ 12ಕ್ಕೂ ಹೆಚ್ಚು ಜನಪ್ರತಿನಿಧಿಗಳು ನಿರ್ಣಯ ಮಂಡಿಸಿದ್ದಾರೆ.

ಶತಮಾನದ ಹಿಂದೆಯೇ ಅಮೆರಿಕಕ್ಕೆ ವಲಸೆ ಬಂದಿರುವ ಸಿಖ್‌ ಸಮುದಾಯವೂ ದೇಶದ ಅಭಿವೃದ್ಧಿಗೆ ಗಮನಾರ್ಹ ಕೊಡುಗೆ ನೀಡಿದೆ. ಈ ಜನಾಂಗಕ್ಕೆ ಗೌರವ ಸೂಚಿಸುವ ಸಲುವಾಗಿ ರಾಷ್ಟ್ರೀಯ ಸಿಖ್‌ ದಿನವನ್ನುಆಚರಿಸಲು ಈ ನಿರ್ಣಯ ಮಂಡಿಸಲಾಗಿದೆ.

ಮಹಿಳಾ ಜನಪ್ರತಿನಿಧಿ ಮೇರಿ ಗೇ ಸ್ಕ್ಯಾನ್ಲಾನ್‌ ಪ್ರಾಯೋಜಕತ್ವ ಹಾಗೂ ಆರು ಮಂದಿ ಪ್ರತಿನಿಧಿಗಳ ಸಹ ಪ್ರಾಯೋಜಕತ್ವದಲ್ಲಿ ಸಂಸತ್‌ನಲ್ಲಿ ನಿರ್ಣಯವನ್ನು ಮಂಡಿಸಲಾಯಿತು.