‘ಸ್ಪುಟ್ನಿಕ್‌’ ಉತ್ಪಾದನೆಯಲ್ಲಿ ಹಿಂದೆ ಬಿದ್ದ ರಷ್ಯಾ, ಚೀನಾದ ಕಂಪನಿ ಜತೆ ಒಪ್ಪಂದ

ತೈಪೆ: ಬೇಡಿಕೆಗೆ ಅನುಗುಣವಾಗಿ ‘ಸ್ಪುಟ್ನಿಕ್ ವಿ’ ಲಸಿಕೆಯನ್ನು ಪೂರೈಸಲು ಹಿಂದುಳಿದಿರುವ ರಷ್ಯಾ, ಚೀನಾದ ಕಂಪನಿಗಳೊಂದಿಗೆ ಒಪ್ಪಂದ ಮಾಡಿಕೊಳ್ಳುವ ಮೂಲಕ ಲಸಿಕಾ ತಯಾರಿಕೆಯನ್ನು ಚುರುಕುಗೊಳಿಸಲು ಮುಂದಾಗಿದೆ.

ಒಟ್ಟು 26 ಕೋಟಿ ಡೋಸ್‌ ಲಸಿಕೆ ತಯಾರಿಕೆಗಾಗಿ ಚೀನಾದ ಕಂಪನಿಗಳೊಂದಿಗೆ ಮೂರು ಒಪ್ಪಂದಗಳನ್ನು ಮಾಡಿಕೊಳ್ಳಲಾಗಿದೆ ಎಂದು ರಷ್ಯಾ ಹೇಳಿದೆ.

63 ಕೋಟಿ ಡೋಸ್‌ ‘ಸ್ಪುಟ್ನಿಕ್ ವಿ’ ಲಸಿಕೆಯನ್ನು 100ಕ್ಕೂ ಹೆಚ್ಚು ದೇಶಗಳಿಗೆ ಪೂರೈಸಲು ರಷ್ಯಾ ಒಪ್ಪಿಕೊಂಡಿದೆ. ಆದರೆ, ಇದುವರೆಗೆ ಕೇವಲ 1.5 ಕೋಟಿ ಡೋಸ್‌ಗಳನ್ನು ಮಾತ್ರವೇ ರಫ್ತು ಮಾಡಲು ಸಾಧ್ಯವಾಗಿದೆ ಎಂದು ಲಂಡನ್ ಮೂಲದ ವಿಜ್ಞಾನ ವಿಶ್ಲೇಷಣಾ ಕಂಪನಿಯಾದ ಏರ್ಫಿನಿಟಿ ತಿಳಿಸಿದೆ.