ಉಕ್ರೇನ್‌ ದಾಳಿ: ರಷ್ಯಾ ನೌಕಾ ಹಡಗಿಗೆ ಹಾನಿ

ಕೀವ್‌: ಉಕ್ರೇನ್‌ ಪಡೆಗಳು ನಡೆಸಿದ ವಾಯುದಾಳಿಯಲ್ಲಿ ರಷ್ಯಾದ ನೌಕಾ ಹಡಗಿಗೆ ಹಾನಿಯಾಗಿದೆ ಎಂದು ರಷ್ಯಾ ರಕ್ಷಣಾ ಸಚಿವಾಲಯ ಮಂಗಳವಾರ ತಿಳಿಸಿದೆ.

ಉಕ್ರೇನ್‌ನ ಎರಡು ಯುದ್ಧ ವಿಮಾನಗಳು ನಡೆಸಿದ ದಾಳಿಯಲ್ಲಿ ಕ್ರಿಮಿಯಾ ಬಂದರಿನಲ್ಲಿ ಲಂಗರು ಹಾಕಿದ್ದ ನೊವೊಚೆರ್‌ಕಾಸ್ಸಕ್‌ ಹಡಗು ಹಾನಿಗೊಳಗಾಗಿದೆ. ಎಷ್ಟು ಪ್ರಮಾಣದಲ್ಲಿ ಹಾನಿಗೊಳಗಾಗಿದೆ ಎಂಬ ಬಗ್ಗೆ ತಕ್ಷಣಕ್ಕೆ ವರದಿ ಲಭ್ಯವಾಗಿಲ್ಲ. ಆದರೆ ಬಂದರು ಪ್ರದೇಶದಲ್ಲಿ ಬೆಂಕಿ ಆವರಿಸಿರುವ ವಿಡಿಯೊವನ್ನು ಉಕ್ರೇನ್‌ ಮಾಧ್ಯಮಗಳು ಪ್ರಸಾರ ಮಾಡಿವೆ.