ಸೋಲ್‌: 70 ವರ್ಷದ ಬಳಿಕ ನಿರಪರಾಧಿ!

ಸೋಲ್‌: ‘ಬಂಡಾಯ ಪಡೆಗಳಿಗೆ ನೆರವು ನೀಡಿದ ಆರೋಪದಡಿ 70 ವರ್ಷದ ಹಿಂದೆ ಮರಣದಂಡನೆಗೆ ಗುರಿಯಾಗಿದ್ದ ವ್ಯಕ್ತಿ ನಿರಪರಾಧಿ. ತಪ್ಪಾಗಿ ಆತನನ್ನು ಶಿಕ್ಷೆಗೆ ಗುರಿಪಡಿಸಲಾಗಿತ್ತು’ ಎಂದು ದಕ್ಷಿಣ ಕೋರಿಯಾದ ಕೋರ್ಟ್‌ ಸೋಮವಾರ ಆದೇಶಿಸಿದೆ.

ಚಾಂಗ್‌ ಹ್ವಾನ್‌ ಬಾಂಗ್‌ ರನ್ನು ಮರಣೋತ್ತರವಾಗಿ ನಿರಪರಾಧಿ ಎಂದು ಕೋರ್ಟ್‌ ಘೋಷಿಸಿದೆ. ಘಟನೆ ನಡೆದಾಗ ಇವರಿಗೆ 29 ವರ್ಷ. ಯೆಒಸು ಮತ್ತು ಸುಂಚಿಯೊನ್ ನಗರಗಳಲ್ಲಿ ಸರ್ಕಾರದ ವಿರುದ್ಧ ಬಂಡಾಯ ಎದ್ದಿದ್ದ ಪಡೆಗಳಿಗೆ ಬೆಂಬಲಿಸಿದ ಆರೋಪದ ಮೇಲೆ ಇವರು ಸೇರಿ ನೂರಾರು ಜನರನ್ನು 1948ರಲ್ಲಿ ಶಿಕ್ಷೆಗೆ ಗುರಿಪಡಿಸಲಾಗಿತ್ತು.