ಕಠ್ಮಂಡು | ಮಾದಕ ವಸ್ತು ಸಾಗಣೆ: ಮೂವರು ಭಾರತೀಯರ ಸೆರೆ

ಕಠ್ಮಂಡು: ಮಾದಕ ವಸ್ತುಗಳನ್ನು ಕಳ್ಳಸಾಗಣೆ ಮಾಡಿದ ಆರೋಪದ ಮೇಲೆ ದಕ್ಷಿಣ ನೇಪಾಳದಲ್ಲಿ ಮೂವರು ಭಾರತೀಯರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಬಿಹಾರ ಮೂಲದ ಗೌತಮ್ ಕುಶ್ವಾಹ(35), ರಂಜನ್ ಕುಮಾರ್ ಸಿಂಗ್ (30) ಮತ್ತು ಸಂಜೀವ್ ಕುಮಾರ್ ರಾಮ್(40) ಬಂಧಿತರು. 

ಜಿಟ್ಪುರ್ ಸಿಮಾರಾ ಪಾಲಿಕೆ ಪ್ರದೇಶದ ಹೋಟೆಲ್‌ವೊಂದರ ಮೇಲೆ ದಾಳಿ ಮಾಡಿದಾಗ  170 ಗ್ರಾಂ ಬ್ರೌನ್‌ ಶುಗರ್‌ ಸಮೇತ ಸಿಕ್ಕಿಬಿದ್ದಿದ್ದಾರೆ. ಮೂವರನ್ನೂ ವಶಕ್ಕೆ ಪಡೆದು ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.