ಭಾರತದಲ್ಲಿ ಅಮೆರಿಕದ ಹಂಗಾಮಿ ರಾಯಭಾರಿ ಕಶ್ಯಪ್‌

ವಾಷಿಂಗ್ಟನ್: ಭಾರತ ಮೂಲದ ಅತುಲ್‌ ಕಶ್ಯಪ್‌ ಅವರನ್ನು ಭಾರತದಲ್ಲಿನ ಅಮೆರಿಕದ ಹಂಗಾಮಿ ರಾಯಭಾರಿಯಾಗಿ ನೇಮಕ ಮಾಡಲಾಗಿದೆ.

ಕಶ್ಯಪ್‌ ಅವರ ನೇಮಕವು ಭಾರತ ಮತ್ತು ಅಮೆರಿಕ ನಡುವಣ ಬಾಂಧವ್ಯ ವೃದ್ಧಿ ಹಾಗೂ ಕೋವಿಡ್ ಸಂದರ್ಭದಲ್ಲಿ ವಿಶ್ವದ ಸವಾಲು ಎದುರಿಸಲು ಸಹಕಾರಿಯಾಗಲಿದೆ ಎಂದು ಅಮೆರಿಕದ ವಿದೇಶಾಂಗ ಇಲಾಖೆ ಹೇಳಿಕೆಯಲ್ಲಿ ತಿಳಿಸಿದೆ.

ಅಮೆರಿಕ ‌ವಿದೇಶಾಂಗ ಸೇವೆ ಇಲಾಖೆಯ ಹಿರಿಯ ಅಧಿಕಾರಿಯಾಗಿರುವ 50 ವರ್ಷದ ಕಶ್ಯಪ್‌ ಅವರು ನವದೆಹಲಿಯಲ್ಲಿ ಕಾರ್ಯನಿರ್ವಹಿಸಲಿದ್ದಾರೆ. ರಾಯಭಾರಿಯಾಗಿದ್ದ ಡೇನಿಯಲ್‌ ಸ್ಮಿತ್‌ ಅವರ ನಿವೃತ್ತಿಯಿಂದಾಗಿ ಈ ನೇಮಕವಾಗಿದೆ.