ವುಹಾನ್‌ಗೆ ಕೊರೋನಾ ವೈರಸ್‌ ತಂದ ಅಮೆರಿಕ ಸೇನೆ: ಚೀನಾದ ಅಧಿಕಾರಿ ಆರೋಪ

ಬೀಜಿಂಗ್‌(ಪಿಟಿಐ): ಮಾರಕ ಕೊರೊನಾ ವೈರಸ್‌ ಅನ್ನು ಅಮೆರಿಕದ ಸೇನೆಯು ವುಹಾನ್‌ಗೆ ತಂದಿರುವ ಸಾಧ್ಯತೆ ಇದೆ ಎಂದು ಪಾಕಿಸ್ತಾನದಲ್ಲಿ ಚೀನಾದ ಉಪ ರಾಯಭಾರಿಯಾಗಿದ್ದ ಜಾವೊ ಲಿಜಿಯಾನ್‌ ಮಾಡಿರುವ ಟ್ವೀಟ್‌ನಿಂದ ಚೀನಾ ಅಂತರ ಕಾಯ್ದುಕೊಂಡಿದೆ.

ವೈರಸ್‌ನ ಮೂಲವನ್ನು ಪತ್ತೆ ಹಚ್ಚಲು ವೈಜ್ಞಾನಿಕ ಮೌಲ್ಯಮಾಪನ ಅಗತ್ಯವಿದೆ ಎಂದೂ ಅವರು ಟ್ವೀಟ್‌ನಲ್ಲಿ ಹೇಳಿದ್ದಾರೆ.

‘ಅಮೆರಿಕದಲ್ಲಿ ಕೆಲವರು ಜ್ವರ ಬಾಧಿತರಾಗಿದ್ದಾರೆ ಎಂದು ತಪ್ಪಾಗಿ ರೋಗ ನಿರ್ಣಯ ಮಾಡಲಾಗಿದೆ. ಅವರಿಗೆ ಕೋವಿಡ್‌ –19 ಬಾಧಿಸಿರಬಹುದು’ ಎಂದು ಅಲ್ಲಿನ ರೋಗ ನಿಯಂತ್ರಣ ಮತ್ತು ತಡೆ ಕೇಂದ್ರದ ನಿರ್ದೇಶಕ ರಾಬರ್ಟ್‌ ರೆಡ್‌ಫೀಲ್ಡ್‌ ನೀಡಿರುವ ಹೇಳಿಕೆಯನ್ನು ಉಲ್ಲೇಖಿಸಿ ಲಿಜಿಯಾನ್‌ ಟ್ವೀಟ್‌ ಮಾಡಿದ್ದಾರೆ.