ಪಾಕ್ ಪ್ರಚೋದನೆಗೆ ಬೆದರುವುದಿಲ್ಲ: ಪೋರ್ಚುಗಲ್‌ನಲ್ಲಿರುವ ಭಾರತೀಯ ರಾಯಭಾರ ಕಚೇರಿ

ಲಿಸ್ಬನ್‌: ‘ಹತಾಶ ಪ್ರಚೋದನೆಗೆ ಬೆದರುವುದಿಲ್ಲ’ ಎಂದು ಪೋರ್ಚುಗಲ್‌ನಲ್ಲಿರುವ ಭಾರತೀಯ ರಾಯಭಾರ ಕಚೇರಿ ಹೇಳಿದೆ.

ಪಾಕಿಸ್ತಾನದ ಗುಂಪೊಂದು ತನ್ನ ಕಚೇರಿ ಮುಂಭಾಗ ಪ್ರತಿಭಟನೆ ನಡೆಸಿದ ಬಳಿಕ ಈ ಹೇಳಿಕೆ ನೀಡಿದ್ದು, ‘ನಮ್ಮ ನಿರ್ಧಾರ ಅಚಲವಾಗಿದೆ’ ಎಂದಿದೆ.

‘ಹೇಡಿತನದ ಕೃತ್ಯಕ್ಕೆ ಆಪರೇಷನ್‌ ಸಿಂಧೂರ ಮೂಲಕ ತಕ್ಕ ಉತ್ತರ ನೀಡಲಾಗಿದೆ’ ಎಂದೂ ‘ಎಕ್ಸ್‌’ನಲ್ಲಿ ಉಲ್ಲೇಖಿಸಿದೆ.

‘ಆಪರೇಷನ್‌ ಸಿಂಧೂರ ಮುಗಿದಿಲ್ಲ ಎಂಬ ಸಂದೇಶವನ್ನು ಪ್ರತಿಭಟನಕಾರರಿಗೆ ನೀಡಲಾಯಿತು’ ಎಂದು ಪೋರ್ಚುಗಲ್‌ನ ಭಾರತದ ರಾಯಭಾರಿ ಪುನೀತ್‌ ಕುಂಡಲ್‌ ಹೇಳಿದ್ದಾರೆ.