ಶುಕ್ರವಾರ, 11-3-1961

ಯಾಂತ್ರೀಕೃತ ಕೃಷಿ ಕ್ಷೇತ್ರಗಳ ಸ್ಥಾಪನೆಗೆ ಶಿಫಾರಸು
ನವದೆಹಲಿ, ಮಾ. 10 - ದೊಡ್ಡ ಪ್ರಮಾಣದ ಕೃಷಿ ಕ್ಷೇತ್ರಗಳ ಬಗ್ಗೆ ನೇಮಕವಾಗಿದ್ದ ದಾಮ್ಲೆ ಸಮಿತಿಯು ಯಾಂತ್ರೀಕೃತ ಬೃಹತ್ ಕೃಷಿ ಕ್ಷೇತ್ರಗಳ ಸ್ಥಾಪನೆಗೆ ಬೆಂಬಲವಿತ್ತಿದೆ. ಇದು ಲಾಭದಾಯಕವೆಂದೂ ಸಮಿತಿ ಅಭಿಪ್ರಾಯಪಟ್ಟಿದೆ.

ಕಾಂಗೋಗೆ  ಭಾರತದ ಯುದ್ಧ ಪಡೆ
ನವದೆಹಲಿ, ಮಾ. 10 - ವಿಶ್ವರಾಷ್ಟ್ರಸಂಸ್ಥೆ ಕಾರ್ಯಾಚರಣೆಗೆ ಬೆಂಬಲ ನೀಡಲು ಕಾಂಗೋಗೆ ಕಳುಹಿಸಲಾಗಿರುವ ಭಾರತದ ಮಿಲಿಟರಿ ತಂಡದಲ್ಲಿ 2886 ಯುದ್ಧ ಸೈನಿಕರೂ ಸೇರಿ ಒಟ್ಟು ಸುಮಾರು ಐದು ಸಾವಿರ ಸೈನಿಕರಿರುತ್ತಾರೆಂದು ರಕ್ಷಣಾ ಸಚಿವ ಶ್ರೀ ವಿ. ಕೆ. ಕೃಷ್ಣಮೆನನ್ ಇಂದು ಇಲ್ಲಿ ಪ್ರಕಟಿಸಿದರು.