ಸೋಮವಾರ, 21–2–1994
ಕೈಕೊಟ್ಟ ಸಿನಿಮಾ ಸಾಹಸ: ಗಾಯ
ಬೆಂಗಳೂರು, ಫೆ. 20– ಇಲ್ಲಿನ ಮಹಾತ್ಮ ಗಾಂಧಿ ರಸ್ತೆಯಲ್ಲಿ ಇಂದು ಮಧ್ಯಾಹ್ನ ಕನ್ನಡ ಚಲನಚಿತ್ರವೊಂದರ ಸಾಹಸ ದೃಶ್ಯ ಚಿತ್ರೀಕರಿಸುತ್ತಿದ್ದಾಗ ಸಂಭವಿಸಿದ ದುರ್ಘಟನೆಯಲ್ಲಿ ಇಬ್ಬರು ಸಾಹಸ ಕಲಾವಿದರು ಗಾಯಗೊಂಡರು.
ತಲೆಗೆ ತೀವ್ರವಾಗಿ ಗಾಯಗೊಂಡಿರುವ ರವಿ (30) ಎಂಬುವವರನ್ನು ನಿಮ್ಹಾನ್ಸ್ ಆಸ್ಪತ್ರೆಗೆ ಮತ್ತು ಕಾಲಿಗೆ ಗಾಯವಾಗಿರುವ ಶಿವು (25) ಅವರನ್ನು ಬೌರಿಂಗ್ ಆಸ್ಪತ್ರೆಗೆ ಸೇರಿಸಲಾಗಿದೆ. ‘ಲಾಕಪ್ ಡೆತ್’ ಚಲನಚಿತ್ರಕ್ಕಾಗಿ ಮಹಡಿ ಬಸ್ಸಿನ ಮೇಲಿನಿಂದ ಎರಡು ಮೋಟಾರ್ ಬೈಕ್‌ಗಳನ್ನು ಹಾರಿಸುವ ದೃಶ್ಯವನ್ನು ಚಿತ್ರೀಕರಿಸುತ್ತಿದ್ದಾಗ ಸವಾರರ ಲೆಕ್ಕಾಚಾರ ತಪ್ಪಿ ಬೈಕ್‌ಗಳು ಆಕಾಶದಲ್ಲಿ ಎರಡು ಪಲ್ಟಿ ಹೊಡೆದು ನೆಲಕ್ಕೆ ಅಪ್ಪಳಿಸಿದವು.
ಬೋಫೋರ್ಸ್ ಕಡತ
ಲಂಡನ್, ಫೆ. 20 (ಪಿಟಿಐ)– ಬೋಫೋರ್ಸ್ ಹಗರಣದ ಆರೋಪಿಗಳ ಹಕ್ಕುಗಳನ್ನು ಕಾದಿಡಲು ಒಪ್ಪಿ ಭಾರತ ಸರ್ಕಾರ ಸ್ವಿಟ್ಜರ್‌ಲೆಂಡಿನ ನ್ಯಾಯಾಲಯದಲ್ಲಿ ಪ್ರಮಾಣಪತ್ರ ಸಲ್ಲಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.