25 ವರ್ಷಗಳ ಹಿಂದೆ | ರಾಜೀವ್‌ ಹೆಸರು ಕೈಬಿಡಲು ಕಾಂಗ್ರೆಸ್ ಪಕ್ಷದ ಪಟ್ಟು

ನವದೆಹಲಿ, ಅ. 26– ಬೊಫೋರ್ಸ್‌ ಫಿರಂಗಿ ಖರೀದಿ ಹಗರಣದಲ್ಲಿನ ಆರೋಪ ಪಟ್ಟಿಯಿಂದ ರಾಜೀವ್‌ ಗಾಂಧಿ ಹೆಸರನ್ನು ಕೈಬಿಡಬೇಕೆಂಬ ಒತ್ತಾಯವನ್ನು ಸರ್ಕಾರ ಇಂದು ಹೆಚ್ಚು ಕಡಿಮೆ ತಿರಸ್ಕರಿಸಿದ್ದನ್ನು ಪ್ರತಿಭಟಿಸಿ ಕಾಂಗ್ರೆಸ್‌ ಮತ್ತು ಅದರ ಮಿತ್ರಪಕ್ಷ ಎಐಎಡಿಎಂಕೆ ಸದಸ್ಯರು ಇಂದು ಲೋಕಸಭೆಯಲ್ಲಿ ಸಭಾತ್ಯಾಗ ಮಾಡಿದರು. ಡೀಸೆಲ್‌ ಬೆಲೆ ಏರಿಕೆ ಹಿಂತೆಗೆದುಕೊಳ್ಳುವ ಬಗ್ಗೆ ಸರ್ಕಾರ
ಭರವಸೆ ನೀಡುವಲ್ಲಿ ವಿಫಲವಾದುದನ್ನು ಪ್ರತಿಭಟಿಸಿ ಪ್ರತಿಪಕ್ಷದ ಸದಸ್ಯರೆಲ್ಲರೂ ಕೂಡ ಸಭಾತ್ಯಾಗ ಮಾಡಿದ ಘಟನೆಯು ನಡೆಯಿತು.