25 ವರ್ಷಗಳ ಹಿಂದೆ: ಮಂಗಳವಾರ, 7-5-1996

ಕಂಡಲ್ಲಿ ಗುಂಡು: ಇಂದು 183 ಸ್ಥಾನಗಳಿಗೆ ಮತದಾನ

ನವದೆಹಲಿ, ಮೇ 6 (ಪಿಟಿಐ, ಯುಎನ್‌ಐ)– ಹನ್ನೆರಡು ರಾಜ್ಯಗಳಲ್ಲಿ ವ್ಯಾಪಿಸಿರುವ 183 ಲೋಕಸಭೆ ಸ್ಥಾನಗಳು ಮತ್ತು ಪಶ್ಚಿಮ ಬಂಗಾಳ ವಿಧಾನಸಭೆಯ 154 ಸ್ಥಾನಗಳಿಗೆ ನಾಳೆ ಮೂರನೇ ಹಂತದಲ್ಲಿ ಮತದಾನ ನಡೆಸಲು ಸರ್ವ ಸಿದ್ಧತೆ ಮಾಡಲಾಗಿದ್ದು, ಬಿಹಾರ, ತ್ರಿಪುರಾ ರಾಜ್ಯಗಳಲ್ಲಿ ಮತ್ತು ಉತ್ತರಪ್ರದೇಶದ ಹಲವು ಭಾಗಗಳಲ್ಲಿ ಕಂಡಲ್ಲಿ ಗುಂಡಿಕ್ಕಲು ಆದೇಶಿಸಲಾಗಿದೆ.

ಗೃಹ ಮಂಡಳಿ ಬಾಕಿ ವಸೂಲಿ ವಿಕ್ರಮ

ಬೆಂಗಳೂರು, ಮೇ 6– ಕರ್ನಾಟಕ ಗೃಹ ನಿರ್ಮಾಣ ಮಂಡಳಿ (ಕೆಎಚ್‌ಬಿ) ಅಸ್ತಿತ್ವಕ್ಕೆ ಬಂದ ಈ ಎರಡೂವರೆ ದಶಕಗಳಲ್ಲಿ ಮೊದಲ ಬಾರಿಗೆ 57 ಕೋಟಿ ರೂಪಾಯಿ ಹಣವನ್ನು ವಸೂಲು ಮಾಡಿ ದಾಖಲೆ ಸೃಷ್ಟಿಸಿದೆ.

ತಾನು ಕಟ್ಟಿ ವಿತರಣೆ ಮಾಡಿದ ಮನೆಗಳ ಬಾಕಿಯನ್ನು ಗ್ರಾಹಕರು ಕಟ್ಟದೇ ಉಳಿದುಕೊಂಡಿರುವ ಪ್ರಕರಣಗಳನ್ನು ಒಂದೊಂದಾಗಿ ಬಯಲಿಗೆ ಎಳೆಯುತ್ತಿರುವ ಮಂಡಳಿಯ ಕ್ರಮದಿಂದಾಗಿ ಈ ಬಾರಿ ವಸೂಲಾತಿ ಮೊತ್ತ ಈ ಪ್ರಮಾಣಕ್ಕೆ ಏರಿದೆ. ಮಂಡಳಿಗೆ ಇದುವರೆಗೆ ಗರಿಷ್ಠ ಎಂದರೆ 32 ಕೋಟಿ ರೂಪಾಯಿವರೆಗೆ ವಸೂಲು ಮಾಡಲು ಸಾಧ್ಯವಾಗಿತ್ತು.