50 ವರ್ಷಗಳ ಹಿಂದೆ: ಭಾನುವಾರ, 18–4–1971

ಪ್ರಜಾಸತ್ತಾತ್ಮಕ ಬಾಂಗ್ಲಾದೇಶ ಗಣರಾಜ್ಯ ಅಸ್ತಿತ್ವಕ್ಕೆಹಂಗಾಮಿ ಅಧ್ಯಕ್ಷರಿಂದ ಸ್ವಾತಂತ್ರ್ಯ ಘೋಷಣೆ

ಮುಜೀನಗರ, ಬಾಂಗ್ಲಾದೇಶ, ಏ.17– ಹಂಗಾಮಿ ಅಧ್ಯಕ್ಷ ಸೈಯದ್‌ ನಸರುಲ್‌ ಇಸ್ಲಾಂ ಅವರಿಂದ ಚರಿತ್ರಾರ್ಹವಾದ ಸ್ವಾತಂತ್ರ್ಯ ಘೋಷಣೆಯೊಂದಿಗೆ ಬಾಂಗ್ಲಾ ದೇಶದ ಪರಮಾಧಿಕಾರ ಪ್ರಜಾಸತ್ತಾತ್ಮಕ ಗಣರಾಜ್ಯವು ಇಂದು ಔಪಚಾರಿಕವಾಗಿ ಅಸ್ತಿತ್ವಕ್ಕೆ ಬಂದಿತು.

ಮಾವಿನ ತೋಪಿನ ನೆರಳಿನಲ್ಲಿ ‘ಜೈ ಬಾಂಗ್ಲಾ’ ಘೋಷಣೆಗಳ ನಡುವೆ ಹಸಿರು, ಕೆಂಪು, ಹೊಂಬಣ್ಣದ ಬಾಂಗ್ಲಾ ಧ್ವಜ ಸ್ಥಂಭದ ಬಳಿ ನಿಂತು ನಸರುಲ್‌ ಇಸ್ಲಾಂ ಅವರು ಸ್ವಾತಂತ್ರ್ಯ ಘೋಷಣೆ ಮಾಡಿದರು.