75 ವರ್ಷಗಳ ಹಿಂದೆ: ಭಾರತ–ಪಾಕ್ ವ್ಯಾಪಾರ ಮತ್ತೆ ಆರಂಭ ಸಂಭವ

ಮುಂಬಯಿ, ಫೆ. 12– ಬೇಗನೇ ಭಾರತ ಮತ್ತು ಪಾಕಿಸ್ತಾನದ ನಡುವಣ ವ್ಯಾಪಾರ ಪುನಃ ಆರಂಭವಾಗುವ ನಿರೀಕ್ಷೆ ತಮಗಿದೆ ಎಂದು ಕೇಂದ್ರದ ಕೈಗಾರಿಕೆ ಮತ್ತು ವಾಣಿಜ್ಯ ಸಚಿವ ಶ್ರೀ ಹರೆ ಕೃಷ್ಣ ಮೆಹತಾ ಅವರು ಈ ದಿನ ಪತ್ರಿಕಾಗೋಷ್ಠಿಯೊಂದರಲ್ಲಿ ತಿಳಿಸಿದರು.

ಹಾಗಾದಲ್ಲಿ ಭಾರತದ ಬಟ್ಟೆ ಕೈಗಾರಿಕೆಗೆ ಬೇಕಾದ ಒಂದೆರಡು ಲಕ್ಷ ಟನ್‌ಗಳಷ್ಟು ಹತ್ತಿ ಪಾಕಿಸ್ತಾನದಿಂದ ಬರುವ ನಿರೀಕ್ಷೆ ಇದೆಯೆಂದೂ ಅವರು ತಿಳಿಸಿದರು.

ದೇಶದಲ್ಲಿ ಬೆಲೆಗಳು ಒಂದೇ ಸಮನಾಗಿದ್ದರೂ ಅದರಿಂದ ಕೈಗಾರಿಕೆಗೆ ತೊಂದರೆಯಾಗದಂತೆ ಬಟ್ಟೆಯ ಬೆಲೆಯನ್ನು ಸ್ಥಿಮಿತದಲ್ಲಿ ಇಡಲು ಎಲ್ಲ ಕ್ರಮಗಳನ್ನೂ ಕೈಗೊಳ್ಳಲಾಗುತ್ತಿದೆ ಎಂದು ಹೇಳಿದರು.