25 ವರ್ಷಗಳ ಹಿಂದೆ | ಡಾ. ರಾಜ್ ಅಪಹರಣ: ಸಂಧಾನ ನಿರೀಕ್ಷೆಯಲ್ಲಿ ತಂಡ

ಸಂಧಾನ ನಿರೀಕ್ಷೆಯಲ್ಲಿ ತಂಡ

ಬೆಂಗಳೂರು, ಅ.11– ಡಾ.ರಾಜ್‌ಕುಮಾರ್‌ ಅವರನ್ನು ಬಿಡಿಸಿಕೊಂಡು ಬರಲು ಪತ್ರಕರ್ತ ಆರ್‌.ಆರ್‌.ಗೋಪಾಲ್‌ ಅವರ ಜೊತೆ ಕಾಡಿಗೆ ತೆರಳಿರುವ ತಮಿಳು ರಾಷ್ಟ್ರೀಯ ಚಳವಳಿಯ ನಾಯಕ ಪಿ. ನೆಡುಮಾರನ್, ಮಾನವ ಹಕ್ಕುಗಳ ಜನರ ಸಂಘಟನೆ(ಪಿಯುಸಿಎಲ್‌)ಯ ಪ್ರೊ.ಕಲ್ಯಾಣಿ ಹಾಗೂ ಸುಕುಮಾರನ್‌ ಅವರು ವೀರಪ್ಪನ್ ಸಂದೇಶಕ್ಕಾಗಿ ಕಾಯುತ್ತಿದ್ದಾರೆ.

ಅವರು ನಿನ್ನೆ ಸಂಜೆ ಕಾಡಿಗೆ ತೆರಳಿದ್ದರು. ವೀರಪ್ಪನ್‌ನ ಸಂಪರ್ಕ ಸಾಧಿಸಲು ಪ್ರಯತ್ನಿಸಿದ್ದಾರೆ. ಸಂದೇಶ ಬಂದ ತಕ್ಷಣ ವೀರಪ್ಪನ್‌ ಜೊತೆ ಮಾತುಕತೆ ನಡೆಸಲಿದ್ದಾರೆ.